کیا عیسیٰ اپنی والدہ کے اچھے بیٹے تھے؟

“اے ہارون کی بہن! نہ تو تیرا باپ برا آدمی تھا اور نہ تیری ماں بدکار تھی.”

“مریم نے اپنے بچے کی طرف اشارہ کیا۔ سب کہنے لگے کہ لو بھلا ہم گود کے بچے سے باتیں کیسے کریں؟”

“بچہ بول اٹھا کہ میں اللہ تعالیٰ کا بندہ ہوں۔ اس نے مجھے کتاب عطا فرمائی اور مجھے اپنا پیغمبر بنایا ہے.”

“اور اس نے مجھے اپنی والدہ کا خدمت گزار بنایا ہے اور مجھے سرکش اور بدبخت نہیں کیا.”

“اور جب فرشتوں نے کہا، اے مریم! اللہ تعالیٰ نے تجھے برگزیدہ کر لیا اور تجھے پاک کر دیا اور سارے جہان کی عورتوں میں سے تیرا انتخاب کر لیا۔”

“مسیح ابن مریم سوا پیغمبر ہونے کے اور کچھ بھی نہیں، اس سے پہلے بھی بہت سے پیغمبر ہوچکے ہیں ان کی والدہ ایک راست باز عورت تھیں دونوں ماں بیٹے کھانا کھایا کرتے تھے، آپ دیکھیے کہ کس طرح ہم ان کے سامنے دلیلیں رکھتے ہیں پھر غور کیجیئے کہ کس طرح وہ پھرے جاتے ہیں۔”

“جب وہ بھیڑ سے یہ کہہ ہی رہا تھا، تو دیکھو، اس کی ماں اور بھائی باہر کھڑے تھے، اور اس سے بات کرنا چاہتے تھے۔ کسی نے اس سے کہا، دیکھ، تیری ماں اور تیرے بھائی باہر کھڑے ہیں، اور تجھ سے بات کرنا چاہتے ہیں۔ اس نے خبر دینے والے کو جواب میں کہا، کون ہے میری ماں؟ اور کون ہیں میرے بھائی؟ اور اپنے شاگردوں کی طرف ہاتھ بڑھا کر کہا، دیکھو، میری ماں اور میرے بھائی یہ ہیں! کیونکہ جو کوئی میرے آسمانی باپ کی مرضی پر چلے، وہی میرا بھائی، اور بہن، اور ماں ہے۔”

“اس نے ان کو جواب دیا، کہ میری ماں اور میرے بھائی کون ہیں؟ اور ان پر جو اس کے گرد بیٹھے تھے نظر کر کے کہا، دیکھو، میری ماں اور میرے بھائی یہ ہیں! کیونکہ جو کوئی خدا کی مرضی پر چلے، وہی میرا بھائی، اور میری بہن، اور ماں ہے۔”

“اور تیرا پروردگار صاف صاف حکم دے چکا ہے کہ تم اس کے سوا کسی اور کی عبادت نہ کرنا اور ماں باپ کے ساتھ احسان کرنا۔ اگر تیری موجودگی میں ان میں سے ایک یا یہ دونوں بڑھاپے کو پہنچ جائیں تو ان کے آگے اف تک نہ کہنا، نہ انہیں ڈانٹ ڈپٹ کرنا بلکہ ان کے ساتھ ادب و احترام سے بات چیت کرنا. s اور عاجزی اور محبت کے ساتھ ان کے سامنے تواضع کا بازو پست رکھے رکھنا اور دعا کرتے رہنا کہ اے میرے پروردگار! ان پر ویسا ہی رحم کر جیسا انہوں نے میرے بچپن میں میری پرورش کی ہے.”

“ہم نے انسان کو اس کے ماں باپ کے متعلق نصیحت کی ہے، اس کی ماں نے دکھ پر دکھ اٹھا کر اسے حمل میں رکھا اور اس کی دودھ چھڑائی دو برس میں ہے کہ تو میری اور اپنے ماں باپ کی شکر گزاری کر، (تم سب کو) میری ہی طرف لوٹ کر آنا ہے.”

عبداللہ بن مسعود نے نبی (ﷺ) سے پوچھا کہ اللہ کو کون سا عمل سب سے زیادہ محبوب ہے۔ آپ نے فرمایا: وقت پر پڑھی گئی نماز۔ پوچھا گیا کہ اس کے بعد کون سا، تو فرمایا: والدین کے ساتھ اچھا سلوک اور ان کی فرمانبرداری۔

ابو ہریرہ بیان کرتے ہیں کہ ایک آدمی نے نبی (ﷺ) سے پوچھا کہ اس کے اچھے سلوک کا سب سے زیادہ حق دار کون ہے۔ نبی نے فرمایا: تمہاری ماں۔ اس آدمی نے تین بار اور پوچھا کہ پھر کون، اور جواب ملا: تمہاری ماں، پھر تمہاری ماں، اور پھر تمہارا باپ۔