کیا عیسیٰ خدا ہیں؟

“یسوع نے اس سے کہا، مجھے نہ چھو؛ کیونکہ میں اب تک اپنے باپ کے پاس اوپر نہیں گیا: لیکن میرے بھائیوں کے پاس جا کر ان سے کہہ کہ میں اپنے باپ اور تمہارے باپ، اور اپنے خدا اور تمہارے خدا کے پاس اوپر جاتا ہوں۔”

“جو غالب آئے میں اسے اپنے خدا کی ہیکل میں ایک ستون بناؤں گا، اور وہ پھر کبھی باہر نہ نکلے گا: اور میں اس پر اپنے خدا کا نام، اور اپنے خدا کے شہر یعنی نئے یروشلم کا نام لکھوں گا جو میرے خدا کے پاس سے آسمان سے اترتا ہے: اور اپنا نیا نام بھی اس پر لکھوں گا۔”

“کہ ہمارے خداوند یسوع مسیح کا خدا جو جلال کا باپ ہے، تمہیں اپنی پہچان میں حکمت اور مکاشفہ کی روح عطا کرے:”

“اور ہمیشہ کی زندگی یہ ہے کہ وہ تجھ خدائے واحد اور برحق کو اور یسوع مسیح کو جسے تو نے بھیجا ہے جانیں۔”

“تم نے سنا کہ میں نے تم سے کہا، میں جاتا ہوں، اور تمہارے پاس پھر آتا ہوں۔ اگر تم مجھ سے محبت رکھتے تو اس بات سے خوش ہوتے کہ میں باپ کے پاس جاتا ہوں: کیونکہ باپ مجھ سے بڑا ہے۔”

“میں تم سے سچ سچ کہتا ہوں، نوکر اپنے مالک سے بڑا نہیں؛ اور نہ بھیجا ہوا اپنے بھیجنے والے سے۔”

“یسوع نے ان سے کہا، اگر خدا تمہارا باپ ہوتا تو تم مجھ سے محبت رکھتے: کیونکہ میں خدا میں سے نکلا اور خدا کی طرف سے آیا ہوں؛ میں آپ سے نہیں آیا بلکہ اسی نے مجھے بھیجا۔”

“یسوع نے اس سے کہا، تو مجھے نیک کیوں کہتا ہے؟ کوئی نیک نہیں مگر ایک، یعنی خدا۔”

“یسوع نے پاس آ کر ان سے باتیں کیں اور کہا، آسمان اور زمین کا کل اختیار مجھے دیا گیا ہے۔”

“لیکن اس دن اور اس گھڑی کی بابت کوئی نہیں جانتا، نہ آسمان کے فرشتے، نہ بیٹا، مگر باپ۔”

“اس نے ان سے کہا، ان وقتوں اور میعادوں کا جاننا، جنہیں باپ نے اپنے ہی اختیار میں رکھا ہے، تمہارا کام نہیں۔”

“یسوع مسیح کا مکاشفہ، جو اسے خدا کی طرف سے اس لیے ہوا کہ اپنے بندوں کو وہ باتیں دکھائے جن کا جلد ہونا ضرور ہے؛ اور اس نے اپنے فرشتے کو بھیج کر اس کی معرفت انہیں اپنے بندے یوحنا پر ظاہر کیا:”

“اے اسرائیلیو، یہ باتیں سنو؛ یسوع ناصری ایک آدمی تھا جس کا خدا کی طرف سے ہونا تم پر ان معجزوں اور عجیب کاموں اور نشانوں سے ثابت ہوا جو خدا نے اس کی معرفت تمہارے درمیان دکھائے، چنانچہ تم آپ ہی جانتے ہو:”

“ابراہیم، اسحاق اور یعقوب کے خدا نے، ہمارے باپ دادا کے خدا نے، اپنے خادم یسوع کو جلال دیا ہے، جسے تم نے حوالے کیا اور پیلاطس کے سامنے اس کا انکار کیا، جب اس نے اسے چھوڑ دینے کا فیصلہ کر لیا تھا۔”

“دیکھو، یہ میرا خادم ہے جسے میں نے چنا؛ میرا پیارا جس سے میرا دل خوش ہے: میں اپنی روح اس پر ڈالوں گا، اور وہ غیر قوموں کو انصاف کی خبر دے گا۔”

“کیونکہ خدا ایک ہے، اور خدا اور انسان کے بیچ میں درمیانی بھی ایک یعنی مسیح یسوع جو انسان ہے؛”

“لیکن اب تم مجھ جیسے آدمی کو قتل کرنے کی کوشش میں ہو جس نے تمہیں وہی حق بات بتائی جو خدا سے سنی: ابراہیم نے تو یہ نہیں کیا تھا۔”

“پس میں تمہیں آگاہ کرنا چاہتا ہوں کہ ہر مرد کا سر مسیح ہے؛ اور عورت کا سر مرد ہے؛ اور مسیح کا سر خدا ہے۔”

“اور جب سب کچھ اس کے تابع ہو جائے گا تو بیٹا خود بھی اس کے تابع ہو جائے گا جس نے سب چیزیں اس کے تابع کر دیں، تاکہ سب میں خدا ہی سب کچھ ہو۔”

“لیکن ہمارے نزدیک تو ایک ہی خدا ہے یعنی باپ، جس کی طرف سے ساری چیزیں ہیں اور ہم اسی کے لیے ہیں؛ اور ایک ہی خداوند ہے یعنی یسوع مسیح، جس کے وسیلہ سے ساری چیزیں ہیں اور ہم بھی اسی کے وسیلہ سے ہیں۔”

“البتہ ہم یسوع کو دیکھتے ہیں جو موت کا دکھ سہنے کے لیے فرشتوں سے کچھ ہی کم کیا گیا، اور جلال اور عزت کا تاج اسے پہنایا گیا؛ تاکہ خدا کے فضل سے وہ ہر ایک آدمی کے لیے موت کا مزہ چکھے۔”

“اور فرشتوں سے اسی قدر بزرگ ہو گیا جس قدر اس نے میراث میں ان سے افضل نام پایا۔”

“وہ آسمان پر جا کر خدا کی دہنی طرف بیٹھا ہے؛ اور فرشتے اور اختیارات اور قدرتیں اس کے تابع کی گئی ہیں۔”

“خدا انسان نہیں کہ جھوٹ بولے؛ اور نہ وہ آدم زاد ہے کہ اپنا ارادہ بدلے: کیا جو کچھ اس نے کہا اسے نہ کرے؟ یا جو فرمایا ہے اسے پورا نہ کرے؟”

“جب کوئی آزمایا جائے تو یہ نہ کہے کہ میری آزمائش خدا کی طرف سے ہوتی ہے: کیونکہ نہ تو خدا بدی سے آزمایا جا سکتا ہے اور نہ وہ کسی کو آزماتا ہے:”

“اس وقت روح یسوع کو جنگل میں لے گیا تاکہ ابلیس سے آزمایا جائے۔”

“خدا کو کسی نے کبھی نہیں دیکھا؛ اکلوتا بیٹا، جو باپ کی گود میں ہے، اسی نے ظاہر کیا۔”

“خدا کو کسی نے کبھی نہیں دیکھا۔ اگر ہم ایک دوسرے سے محبت رکھتے ہیں تو خدا ہم میں رہتا ہے، اور اس کی محبت ہم میں کامل ہو گئی ہے۔”

“پھر ذرا آگے بڑھا اور منہ کے بل گر کر یوں دعا کی کہ اے میرے باپ، اگر ہو سکے تو یہ پیالہ مجھ سے ٹل جائے: تو بھی نہ جیسا میں چاہتا ہوں بلکہ جیسا تو چاہتا ہے۔”

“ابتدا میں کلام تھا، اور کلام خدا کے ساتھ تھا، اور کلام خدا تھا۔”

“توما نے جواب میں اس سے کہا، اے میرے خداوند، اے میرے خدا۔”

“یسوع نے ان سے کہا، میں تم سے سچ سچ کہتا ہوں، پیشتر اس سے کہ ابراہیم پیدا ہوا، میں ہوں۔”

“مگر بیٹے کی بابت کہتا ہے، اے خدا، تیرا تخت ابد الآباد رہے گا: تیری بادشاہی کا عصا راستی کا عصا ہے۔”

“بے شک وہ لوگ کافر ہوگئے جن کا قول ہے کہ مسیح ابن مریم ہی اللہ ہے حالانکہ خود مسیح نے ان سے کہا تھا کہ اے بنی اسرائیل! اللہ ہی کی عبادت کرو جو میرا اور تمہارا سب کا رب ہے، یقین مانو کہ جو شخص اللہ کے ساتھ شریک کرتا ہے اللہ تعالیٰ نے اس پر جنت حرام کر دی ہے، اس کا ٹھکانہ جہنم ہی ہے اور گنہگاروں کی مدد کرنے والا کوئی نہیں ہوگا۔”

“اے اہل کتاب! اپنے دین کے بارے میں حد سے نہ گزر جاؤ اور اللہ پر بجز حق کے اور کچھ نہ کہو، مسیح عیسیٰ بن مریم (علیہ السلام) تو صرف اللہ تعالیٰ کے رسول اور اس کے کلمہ (کن سے پیدا شدہ) ہیں، جسے مریم (علیہا السلام) کی طرف ڈال دیا تھا اور اس کے پاس کی روح ہیں اس لئے تم اللہ کو اور اس کے سب رسولوں کو مانو اور نہ کہو کہ اللہ تین ہیں، اس سے باز آجاؤ کہ تمہارے لئے بہتری ہے، اللہ عبادت کے لائق تو صرف ایک ہی ہے اور وہ اس سے پاک ہے کہ اس کی اولاد ہو، اسی کے لئے ہے جو کچھ آسمانوں میں ہے اور جو کچھ زمین میں ہے۔ اور اللہ کافی ہے کام بنانے والا۔”

“بچہ بول اٹھا کہ میں اللہ تعالیٰ کا بندہ ہوں۔ اس نے مجھے کتاب عطا فرمائی اور مجھے اپنا پیغمبر بنایا ہے.”

“مسیح ابن مریم سوا پیغمبر ہونے کے اور کچھ بھی نہیں، اس سے پہلے بھی بہت سے پیغمبر ہوچکے ہیں ان کی والدہ ایک راست باز عورت تھیں دونوں ماں بیٹے کھانا کھایا کرتے تھے، آپ دیکھیے کہ کس طرح ہم ان کے سامنے دلیلیں رکھتے ہیں پھر غور کیجیئے کہ کس طرح وہ پھرے جاتے ہیں۔”

“یسوع نے اس سے کہا، مجھے نہ چھو؛ کیونکہ میں اب تک اپنے باپ کے پاس اوپر نہیں گیا: لیکن میرے بھائیوں کے پاس جا کر ان سے کہہ کہ میں اپنے باپ اور تمہارے باپ، اور اپنے خدا اور تمہارے خدا کے پاس اوپر جاتا ہوں۔”