کیا “جس نے مجھے دیکھا اس نے باپ کو دیکھا” کا مطلب ہے کہ یسوع خدا ہیں؟

“فلپس نے اس سے کہا، اے خداوند، باپ کو ہمیں دکھا، یہی ہمیں کافی ہے۔”

“یسوع نے اس سے کہا، اے فلپس، میں اتنی مدت سے تمہارے ساتھ ہوں، کیا تو مجھے نہیں جانتا؟ جس نے مجھے دیکھا اس نے باپ کو دیکھا؛ تو کیونکر کہتا ہے کہ باپ کو ہمیں دکھا؟”

“اگر تم نے مجھے جانا ہوتا تو میرے باپ کو بھی جانتے: اب سے تم اسے جانتے ہو، اور تم نے اسے دیکھ لیا ہے۔”

“کیا تو یقین نہیں کرتا کہ میں باپ میں ہوں اور باپ مجھ میں ہے؟ یہ باتیں جو میں تم سے کہتا ہوں اپنی طرف سے نہیں کہتا: بلکہ باپ مجھ میں رہ کر اپنے کام کرتا ہے۔”

“میرا یقین کرو کہ میں باپ میں ہوں، اور باپ مجھ میں: نہیں تو خود کاموں ہی کے سبب سے میرا یقین کرو۔”

“میں تم سے سچ سچ کہتا ہوں، کہ جو مجھ پر ایمان رکھتا ہے یہ کام جو میں کرتا ہوں وہ بھی کرے گا؛ بلکہ ان سے بھی بڑے کام کرے گا؛ کیونکہ میں باپ کے پاس جاتا ہوں۔”

“اور باپ جس نے مجھے بھیجا، اسی نے میری گواہی دی ہے۔ تم نے نہ کبھی اس کی آواز سنی ہے، نہ اس کی صورت دیکھی ہے۔”

“خدا کو کسی نے کبھی نہیں دیکھا؛ اکلوتا بیٹا، جو باپ کی گود میں ہے، اسی نے ظاہر کیا۔”

“یسوع نے پکار کر کہا، جو مجھ پر ایمان لاتا ہے وہ مجھ پر نہیں، بلکہ میرے بھیجنے والے پر ایمان لاتا ہے۔ اور جو مجھے دیکھتا ہے وہ میرے بھیجنے والے کو دیکھتا ہے۔”

“میں تم سے سچ سچ کہتا ہوں، کہ جو میرے بھیجے ہوئے کو قبول کرتا ہے وہ مجھے قبول کرتا ہے؛ اور جو مجھے قبول کرتا ہے وہ میرے بھیجنے والے کو قبول کرتا ہے۔”

“جو تمہیں قبول کرتا ہے وہ مجھے قبول کرتا ہے، اور جو مجھے قبول کرتا ہے وہ میرے بھیجنے والے کو قبول کرتا ہے۔”

“اس دن تم جانو گے کہ میں اپنے باپ میں ہوں، اور تم مجھ میں، اور میں تم میں۔”

“تاکہ وہ سب ایک ہوں؛ جیسے اے باپ، تو مجھ میں ہے اور میں تجھ میں، ویسے ہی وہ بھی ہم میں ایک ہوں: تاکہ دنیا ایمان لائے کہ تو ہی نے مجھے بھیجا۔”

“لیکن اگر میں کرتا ہوں، تو گو میرا یقین نہ کرو، مگر ان کاموں کا تو یقین کرو: تاکہ تم جانو اور سمجھو کہ باپ مجھ میں ہے اور میں باپ میں۔”

“اے اسرائیلیو، یہ باتیں سنو؛ یسوع ناصری ایک آدمی تھا جس کا خدا کی طرف سے ہونا تم پر ان معجزوں اور عجیب کاموں اور نشانوں سے ثابت ہوا جو خدا نے اس کی معرفت تمہارے درمیان دکھائے، چنانچہ تم آپ ہی جانتے ہو:”

“اور وہ بنی اسرائیل کی طرف رسول ہوگا، کہ میں تمہارے پاس تمہارے رب کی نشانی لایا ہوں، میں تمہارے لئے پرندے کی شکل کی طرح مٹی کا پرندہ بناتا ہوں، پھر اس میں پھونک مارتا ہوں تو وہ اللہ تعالیٰ کے حکم سے پرندہ بن جاتاہے اور اللہ تعالیٰ کے حکم سے میں مادرزاد اندھے کو اور کوڑھی کو اچھا کر دیتا ہوں اور مرددوں کو زندہ کرتا ہوں اور جو کچھ تم کھاؤ اور جو اپنے گھروں میں ذخیرہ کرو میں تمہیں بتا دیتا ہوں، اس میں تمہارے لئے بڑی نشانی ہے، اگر تم ایمان لانے والے ہو۔”

“اس کو تو کسی کی نگاہ محیط نہیں ہوسکتی اور وہ سب نگاہوں کو محیط ہو جاتا ہے اور وہی بڑا باریک بین باخبر ہے۔”