اگر میں مسلمان ہو جاؤں تو کیا مجھے عیسیٰ کو چھوڑنا پڑے گا؟

“رسول ایمان لایا اس چیز پر جو اس کی طرف اللہ تعالیٰ کی جانب سے اتری اور مومن بھی ایمان لائے، یہ سب اللہ تعالیٰ اور اس کے فرشتوں پر اور اس کی کتابوں پر اور اس کے رسولوں پر ایمان لائے، اس کے رسولوں میں سے کسی میں ہم تفریق نہیں کرتے، انہوں نے کہہ دیا کہ ہم نے سنا اور اطاعت کی، ہم تیری بخشش طلب کرتے ہیں اے ہمارے رب! اور ہمیں تیری ہی طرف لوٹنا ہے،”

عبادہ بیان کرتے ہیں کہ نبی (ﷺ) نے فرمایا کہ جو شخص گواہی دے کہ اللہ کے سوا کوئی عبادت کے لائق نہیں، وہ اکیلا ہے، اس کا کوئی شریک نہیں، اور یہ کہ محمد اس کے بندے اور رسول ہیں، اور یہ کہ عیسیٰ اللہ کے بندے اور رسول ہیں، اور اس کا کلمہ ہیں جو اس نے مریم کی طرف ڈالا اور اس کی طرف سے ایک روح ہیں، اور یہ کہ جنت اور جہنم حق ہیں، تو اللہ اسے جنت میں داخل کرے گا، خواہ اس کے اعمال جیسے بھی ہوں، چاہے وہ تھوڑے ہی ہوں۔

“جب فرشتوں نے کہا اے مریم اللہ تعالیٰ تجھے اپنے ایک کلمے کی خوشخبری دیتا ہے جس کا نام مسیح عیسیٰ بن مریم ہے جو دنیا اور آخرت میں ذیعزت ہے اور وہ میرے مقربین میں سے ہے۔”

“کہنے لگیں الٰہی مجھے لڑکا کیسے ہوگا؟ حالانکہ مجھے تو کسی انسان نے ہاتھ بھی نہیں لگایا، فرشتے نے کہا، اسی طرح اللہ تعالیٰ جو چاہے پیدا کرتا ہے، جب کبھی وہ کسی کام کو کرنا جاہتا ہے تو صرف یہ کہہ دیتا ہے کہ ہو جا! تو وہ ہو جاتا ہے۔”

“اس نے کہا بات تو یہی ہے۔ لیکن تیرے پروردگار کا ارشاد ہے کہ وہ مجھ پر بہت ہی آسان ہے ہم تو اسے لوگوں کے لئے ایک نشانی بنا دیں گے اور اپنی خاص رحمت، یہ تو ایک طے شدہ بات ہے.”

“اللہ تعالیٰ کے نزدیک عیسیٰ (علیہ السلام) کی مثال ہو بہو آدم (علیہ السلام) کی مثال ہے جسے مٹی سے بنا کر کے کہہ دیا کہ ہو جا! پس وہ ہو گیا!”

“اور وہ بنی اسرائیل کی طرف رسول ہوگا، کہ میں تمہارے پاس تمہارے رب کی نشانی لایا ہوں، میں تمہارے لئے پرندے کی شکل کی طرح مٹی کا پرندہ بناتا ہوں، پھر اس میں پھونک مارتا ہوں تو وہ اللہ تعالیٰ کے حکم سے پرندہ بن جاتاہے اور اللہ تعالیٰ کے حکم سے میں مادرزاد اندھے کو اور کوڑھی کو اچھا کر دیتا ہوں اور مرددوں کو زندہ کرتا ہوں اور جو کچھ تم کھاؤ اور جو اپنے گھروں میں ذخیرہ کرو میں تمہیں بتا دیتا ہوں، اس میں تمہارے لئے بڑی نشانی ہے، اگر تم ایمان لانے والے ہو۔”

“اے اسرائیلیو، یہ باتیں سنو؛ یسوع ناصری ایک آدمی تھا جس کا خدا کی طرف سے ہونا تم پر ان معجزوں اور عجیب کاموں اور نشانوں سے ثابت ہوا جو خدا نے اس کی معرفت تمہارے درمیان دکھائے، چنانچہ تم آپ ہی جانتے ہو:”

“اور یوں کہنے کے باعث کہ ہم نے اللہ کے رسول مسیح عیسیٰ بن مریم کو قتل کر دیا حالانکہ نہ تو انہوں نے اسے قتل کیا نہ سولی پر چڑھایا بلکہ ان کے لئے ان (عیسیٰ) کا شبیہ بنا دیا گیا تھا۔ یقین جانو کہ حضرت عیسیٰ (علیہ السلام) کے بارے میں اختلاف کرنے والے ان کے بارے میں شک میں ہیں، انہیں اس کا کوئی یقین نہیں بجز تخمینی باتوں پر عمل کرنے کے اتنا یقینی ہے کہ انہوں نے انہیں قتل نہیں کیا۔”

“بلکہ اللہ تعالیٰ نے انہیں اپنی طرف اٹھا لیا اور اللہ بڑا زبردست اور پوری حکمتوں والا ہے۔”

ابو ہریرہ بیان کرتے ہیں کہ نبی (ﷺ) نے قسم کھا کر فرمایا کہ ابن مریم جلد مسلمانوں کے درمیان ایک عادل حاکم بن کر اتریں گے۔ وہ صلیب توڑیں گے، سور کو قتل کریں گے اور جزیہ ختم کریں گے، اور مال اتنا زیادہ ہوگا کہ کوئی اسے قبول نہ کرے گا۔ پھر ابو ہریرہ نے قرآن 4:159 کی تلاوت کی: اہل کتاب میں سے کوئی نہیں مگر وہ ان کی موت سے پہلے ان پر ایمان لائے گا۔

عقیدہ نامہ یوں شروع ہوتا ہے: “ہم ایک خدا پر ایمان رکھتے ہیں، باپ قادر مطلق، سب دیکھی اور ان دیکھی چیزوں کا خالق”۔ کونسل نے اقرار کیا کہ بیٹا باپ سے مولود ہے، حقیقی خدا سے حقیقی خدا، اور باپ کے ساتھ “ایک ہی جوہر” (ہوموؤسیوس) کا ہے، اور ان لوگوں کی مذمت کی جو کہتے تھے کہ ایک وقت تھا جب وہ نہیں تھا۔

کونسل نے دو فطرتوں، الٰہی اور انسانی، میں ایک ہی مسیح کا اقرار کیا اور اعلان کیا کہ وہ “دو اقانیم میں جدا یا تقسیم نہیں، بلکہ ایک ہی بیٹا ہے”۔

“یقین مانو! میرا اور تمہارا رب اللہ ہی ہے، تم سب اسی کی عبادت کرو، یہی سیدھی راہ ہے۔”

“اور ہمیشہ کی زندگی یہ ہے کہ وہ تجھ خدائے واحد اور برحق کو اور یسوع مسیح کو جسے تو نے بھیجا ہے جانیں۔”

“میں نے تو ان سے اور کچھ نہیں کہا مگر صرف وہی جو تو نے مجھ سے کہنے کو فرمایا تھا کہ تم اللہ کی بندگی اختیار کرو جو میرا بھی رب ہے اور تمہارا بھی رب ہے۔ میں ان پر گواہ رہا جب تک ان میں رہا۔ پھر جب تو نے مجھ کو اٹھا لیا تو، تو ہی ان پر مطلع رہا۔ اور تو ہر چیز کی پوری خبر رکھتا ہے۔”

“یسوع نے ان کا ایمان دیکھ کر مفلوج سے کہا، بیٹا، تیرے گناہ معاف ہوئے۔”

“لوگ یہ دیکھ کر حیران ہوئے، اور خدا کی تمجید کرنے لگے جس نے آدمیوں کو ایسا اختیار بخشا۔”

“اور جس طرح ہم نے اپنے قرض داروں کو معاف کیا ہے، تو بھی ہمارے قرض ہمیں معاف کر۔”

“اور دیکھو، ایک شخص نے پاس آ کر اس سے کہا، اے نیک استاد، میں کون سی نیکی کروں تاکہ ہمیشہ کی زندگی پاؤں؟ اس نے اس سے کہا، تو مجھے نیک کیوں کہتا ہے؟ نیک تو ایک ہی ہے، یعنی خدا: لیکن اگر تو زندگی میں داخل ہونا چاہتا ہے تو حکموں پر عمل کر۔”

“آدم (علیہ السلام) نے اپنے رب سے چند باتیں سیکھ لیں اور اللہ تعالیٰ نے ان کی توبہ قبول فرمائی، بےشک وہی توبہ قبول کرنے والا اور رحم کرنے والا ہے۔”