کیا یسوع کے معجزے اور اس کا آسمان پر اٹھایا جانا ثابت کرتے ہیں کہ وہ خدا ہے؟

“پھر اس نے پاس آ کر جنازہ کو چھوا: اور اٹھانے والے کھڑے ہو گئے۔ اور اس نے کہا، اے جوان، میں تجھ سے کہتا ہوں، اٹھ۔”

“یہ کہہ کر وہ ان کے دیکھتے دیکھتے اوپر اٹھا لیا گیا؛ اور بدلی نے اسے ان کی نظروں سے چھپا لیا۔”

“اور اس نے تین بار اپنے آپ کو اس لڑکے پر پسارا، اور خداوند سے فریاد کر کے کہا، اے خداوند میرے خدا، میں تیری منت کرتا ہوں کہ اس لڑکے کی جان اس میں پھر آ جائے۔ اور خداوند نے ایلیاہ کی فریاد سنی؛ اور لڑکے کی جان اس میں پھر آ گئی، اور وہ جی اٹھا۔”

“اور جب الیشع گھر میں آیا تو دیکھو، لڑکا مرا ہوا اس کے بستر پر پڑا تھا۔ سو وہ اندر گیا اور دروازہ ان دونوں پر بند کر لیا، اور خداوند سے دعا کی۔ اور وہ اوپر چڑھ کر لڑکے پر لیٹ گیا، اور اپنا منہ اس کے منہ پر، اور اپنی آنکھیں اس کی آنکھوں پر، اور اپنے ہاتھ اس کے ہاتھوں پر رکھے: اور وہ لڑکے پر پھیل گیا؛ اور لڑکے کا جسم گرم ہو گیا۔ پھر وہ لوٹا اور گھر میں ادھر سے ادھر ٹہلا؛ اور پھر اوپر جا کر اس پر پھیل گیا: اور لڑکے نے سات بار چھینکا، اور لڑکے نے اپنی آنکھیں کھول دیں۔”

“تب وہ نیچے گیا، اور مرد خدا کے کہنے کے مطابق یردن میں سات غوطے لگائے: اور اس کا جسم چھوٹے بچے کے جسم کی مانند پھر ویسا ہی ہو گیا، اور وہ پاک صاف ہو گیا۔”

“اور بعل شلیشہ سے ایک شخص آیا، اور مرد خدا کے لیے پہلے پھلوں کی روٹی، یعنی جو کی بیس روٹیاں، اور اپنی بوری میں اناج کی ہری بالیں لایا۔ اس نے کہا، لوگوں کو دے تاکہ وہ کھائیں۔ اس کے خادم نے کہا، کیا میں اتنا ہی سو آدمیوں کے آگے رکھ دوں؟ اس نے پھر کہا، لوگوں کو دے تاکہ وہ کھائیں: کیونکہ خداوند یوں فرماتا ہے، وہ کھائیں گے اور اس میں سے بچ بھی رہے گا۔ سو اس نے ان کے آگے رکھا، اور انہوں نے کھایا، اور خداوند کے کلام کے مطابق اس میں سے بچ بھی رہا۔”

“اور جب وہ اس کی طرف اترے تو الیشع نے خداوند سے دعا کی اور کہا، میں تیری منت کرتا ہوں، ان لوگوں کو اندھا کر دے۔ سو اس نے الیشع کے کہنے کے مطابق انہیں اندھا کر دیا۔”

“اور ایسا ہوا کہ جب وہ سامریہ میں پہنچے تو الیشع نے کہا، اے خداوند، ان لوگوں کی آنکھیں کھول دے تاکہ وہ دیکھیں۔ اور خداوند نے ان کی آنکھیں کھول دیں، اور انہوں نے دیکھا؛ اور دیکھو، وہ سامریہ کے بیچ میں تھے۔”

“جو اکیلا آسمانوں کو تانتا ہے، اور سمندر کی لہروں پر چلتا ہے۔”

“وہ آندھی کو تھما دیتا ہے، یہاں تک کہ اس کی لہریں ساکن ہو جاتی ہیں۔”

“اس نے کہا، آ۔ اور پطرس کشتی سے اتر کر یسوع کے پاس جانے کے لیے پانی پر چلنے لگا۔”

“پھر موسیٰ نے سمندر کے اوپر اپنا ہاتھ بڑھایا؛ اور خداوند نے رات بھر تند پوربی آندھی چلا کر سمندر کو پیچھے ہٹایا، اور سمندر کو خشک زمین بنا دیا، اور پانی دو حصے ہو گیا۔”

“اور ایلیاہ نے اپنی چادر لی، اور اسے لپیٹ کر پانی پر مارا، اور پانی ادھر ادھر دو حصے ہو گیا، یہاں تک کہ وہ دونوں خشک زمین پر سے پار گئے۔”

“اور ایلیاہ تشبی نے، جو جلعاد کے باشندوں میں سے تھا، اخی اب سے کہا، خداوند اسرائیل کے خدا کی حیات کی قسم، جس کے سامنے میں کھڑا ہوں، ان برسوں میں نہ اوس پڑے گی نہ مینہ برسے گا، جب تک میں نہ کہوں۔”

“ایلیاہ ہمارا ہم طبیعت انسان تھا، اور اس نے بڑے جوش سے دعا کی کہ مینہ نہ برسے: اور ساڑھے تین برس تک زمین پر مینہ نہ برسا۔ پھر اس نے دعا کی، تو آسمان سے پانی برسا، اور زمین میں پیداوار ہوئی۔”

“لوگ یہ دیکھ کر حیران ہوئے، اور خدا کی تمجید کرنے لگے جس نے آدمیوں کو ایسا اختیار بخشا۔”

“اور حنوک خدا کے ساتھ ساتھ چلتا رہا: اور وہ غائب ہو گیا؛ کیونکہ خدا نے اسے اٹھا لیا۔”

“اور ایسا ہوا کہ جب وہ چلتے چلتے باتیں کر رہے تھے تو دیکھو، ایک آگ کا رتھ اور آگ کے گھوڑے ظاہر ہوئے، اور انہوں نے ان دونوں کو جدا کر دیا؛ اور ایلیاہ بگولے میں آسمان پر چلا گیا۔”

“یہ کہہ کر وہ ان کے دیکھتے دیکھتے اوپر اٹھا لیا گیا؛ اور بدلی نے اسے ان کی نظروں سے چھپا لیا۔”

“اے اسرائیلیو، یہ باتیں سنو؛ یسوع ناصری ایک آدمی تھا جس کا خدا کی طرف سے ہونا تم پر ان معجزوں اور عجیب کاموں اور نشانوں سے ثابت ہوا جو خدا نے اس کی معرفت تمہارے درمیان دکھائے، چنانچہ تم آپ ہی جانتے ہو:”

“میں اپنے آپ سے کچھ نہیں کر سکتا: جیسا سنتا ہوں ویسا فیصلہ کرتا ہوں: اور میرا فیصلہ راست ہے؛ کیونکہ میں اپنی مرضی نہیں بلکہ اپنے بھیجنے والے باپ کی مرضی چاہتا ہوں۔”

“لیکن اگر میں خدا کی روح کی مدد سے بدروحوں کو نکالتا ہوں تو خدا کی بادشاہی تمہارے پاس آ پہنچی ہے۔”

“تب انہوں نے اس جگہ سے پتھر ہٹایا جہاں مردہ رکھا گیا تھا۔ اور یسوع نے آنکھیں اٹھا کر کہا، اے باپ، میں تیرا شکر کرتا ہوں کہ تو نے میری سن لی۔ اور مجھے تو معلوم تھا کہ تو ہمیشہ میری سنتا ہے: لیکن ان لوگوں کے سبب سے جو آس پاس کھڑے ہیں میں نے یہ کہا، تاکہ وہ ایمان لائیں کہ تو ہی نے مجھے بھیجا ہے۔”

“اور وہ بنی اسرائیل کی طرف رسول ہوگا، کہ میں تمہارے پاس تمہارے رب کی نشانی لایا ہوں، میں تمہارے لئے پرندے کی شکل کی طرح مٹی کا پرندہ بناتا ہوں، پھر اس میں پھونک مارتا ہوں تو وہ اللہ تعالیٰ کے حکم سے پرندہ بن جاتاہے اور اللہ تعالیٰ کے حکم سے میں مادرزاد اندھے کو اور کوڑھی کو اچھا کر دیتا ہوں اور مرددوں کو زندہ کرتا ہوں اور جو کچھ تم کھاؤ اور جو اپنے گھروں میں ذخیرہ کرو میں تمہیں بتا دیتا ہوں، اس میں تمہارے لئے بڑی نشانی ہے، اگر تم ایمان لانے والے ہو۔”

“جب کہ اللہ تعالیٰ ارشاد فرمائے گا کہ اے عیسیٰ بن مریم! میرا انعام یاد کرو جو تم پر اور تمہاری والدہ پر ہوا ہے، جب میں نے تم کو روح القدس سے تائید دی۔ تم لوگوں سے کلام کرتے تھے گود میں بھی اور بڑی عمر میں بھی اور جب کہ میں نے تم کو کتاب اور حکمت کی باتیں اور تورات اور انجیل کی تعلیم دی اور جب کہ تم میرے حکم سے گارے سے ایک شکل بناتے تھے جیسے پرندہ کی شکل ہوتی ہے پھر تم اس کے اندر پھونک مار دیتے تھے جس سے وہ پرند بن جاتا تھا میرے حکم سے اور تم اچھا کر دیتے تھے مادرزاد اندھے کو اور کوڑھی کو میرے حکم سے اور جب کہ تم مردوں کو نکال کر کھڑا کرلیتے تھے میرے حکم سے اور جب کہ میں نے بنی اسرائیل کو تم سے باز رکھا جب تم ان کے پاس دلیلیں لے کر آئے تھے پھر ان میں جو کافر تھے انہوں نے کہا تھا کہ بجز کھلے جادو کے یہ اور کچھ بھی نہیں۔”

“بچہ بول اٹھا کہ میں اللہ تعالیٰ کا بندہ ہوں۔ اس نے مجھے کتاب عطا فرمائی اور مجھے اپنا پیغمبر بنایا ہے.”

“ہم آپ سے پہلے بھی بہت سے رسول بھیج چکے ہیں اور ہم نے ان سب کو بیوی بچوں والا بنایا تھا، کسی رسول سے نہیں ہو سکتا کہ کوئی نشانی بغیر اللہ کی اجازت کے لے آئے۔ ہر مقررہ وعدے کی ایک لکھت ہے.”

“بلکہ اللہ تعالیٰ نے انہیں اپنی طرف اٹھا لیا اور اللہ بڑا زبردست اور پوری حکمتوں والا ہے۔”