کیا یسوع اپنی مرضی سے صلیب کی طرف گئے؟

“کوئی اسے مجھ سے چھینتا نہیں، بلکہ میں اسے آپ ہی دیتا ہوں۔ مجھے اس کے دینے کا بھی اختیار ہے اور اسے پھر لے لینے کا بھی اختیار ہے۔ یہ حکم میرے باپ سے مجھے ملا۔”

“تب یسوع نے پطرس سے کہا، تلوار کو میان میں رکھ: جو پیالہ باپ نے مجھے دیا، کیا میں اسے نہ پیوں؟”

“اس نے ان سے کہا، مگر اب جس کے پاس بٹوا ہو وہ اسے لے، اور اسی طرح جھولی بھی: اور جس کے پاس تلوار نہ ہو وہ اپنی پوشاک بیچ کر خریدے۔ کیونکہ میں تم سے کہتا ہوں کہ یہ جو لکھا ہے، وہ بدکاروں میں گنا گیا، اس کا میرے حق میں پورا ہونا ضروری ہے: کیونکہ جو کچھ میری بابت ہے وہ پورا ہونے پر ہے۔ انہوں نے کہا، اے خداوند، دیکھ، یہاں دو تلواریں ہیں۔ اس نے ان سے کہا، بہت ہیں۔”

“اس وقت اس نے ان سے کہا، میری جان نہایت غمگین ہے، یہاں تک کہ مرنے کی نوبت پہنچ گئی ہے: تم یہاں ٹھہرو، اور میرے ساتھ جاگتے رہو۔”

“پھر ذرا آگے بڑھا اور منہ کے بل گر کر یوں دعا کی کہ اے میرے باپ، اگر ہو سکے تو یہ پیالہ مجھ سے ٹل جائے: تو بھی نہ جیسا میں چاہتا ہوں بلکہ جیسا تو چاہتا ہے۔”

“اور کہا، اے ابا، اے باپ، تجھ سے سب کچھ ہو سکتا ہے؛ اس پیالے کو میرے پاس سے ہٹا لے: تو بھی جو میں چاہتا ہوں وہ نہیں بلکہ جو تو چاہتا ہے وہی ہو۔”

“کہا، اے باپ، اگر تو چاہے تو یہ پیالہ مجھ سے ہٹا لے: تو بھی میری مرضی نہیں بلکہ تیری ہی مرضی پوری ہو۔”

“اور آسمان سے ایک فرشتہ اس کو دکھائی دیا، جو اسے تقویت دیتا تھا۔ پھر وہ سخت پریشانی میں مبتلا ہو کر اور بھی دل سوزی سے دعا کرنے لگا: اور اس کا پسینہ گویا خون کی بڑی بڑی بوندیں ہو کر زمین پر ٹپکتا تھا۔”

“اب میری جان گھبراتی ہے؛ پس میں کیا کہوں؟ اے باپ، مجھے اس گھڑی سے بچا: لیکن میں اسی سبب سے تو اس گھڑی کو پہنچا ہوں۔”

“اس نے اپنی بشریت کے دنوں میں زور زور سے پکار کر اور آنسو بہا بہا کر اسی سے دعائیں اور التجائیں کیں جو اس کو موت سے بچا سکتا تھا، اور اس کی خدا ترسی کے سبب اس کی سنی گئی؛”

“اور تیسرے پہر کے قریب یسوع نے بڑی آواز سے چلا کر کہا، ایلی، ایلی، لما شبقتنی؟ یعنی اے میرے خدا، اے میرے خدا، تو نے مجھے کیوں چھوڑ دیا؟”

“اب خدا جو اطمینان کا چشمہ ہے، جو بھیڑوں کے بڑے چرواہے یعنی ہمارے خداوند یسوع کو ابدی عہد کے خون کے باعث مردوں میں سے زندہ کر کے اٹھا لایا،”

“اس وقت سردار کاہن اور فقیہ اور قوم کے بزرگ کائفا نام سردار کاہن کے دیوان خانہ میں جمع ہوئے، اور مشورہ کیا کہ یسوع کو فریب سے پکڑ کر قتل کریں۔”

“پیلاطس نے سردار کاہنوں اور عام لوگوں سے کہا، میں اس شخص میں کچھ قصور نہیں پاتا۔”

“بیٹوں کے بدلے باپ مارے نہ جائیں، نہ باپ کے بدلے بیٹے مارے جائیں: ہر ایک اپنے ہی گناہ کے سبب سے مارا جائے۔”

“جو جان گناہ کرتی ہے وہی مرے گی۔ بیٹا باپ کے گناہ کا بوجھ نہ اٹھائے گا، اور نہ باپ بیٹے کے گناہ کا بوجھ: صادق کی صداقت اسی کے لیے ہو گی، اور شریر کی شرارت شریر کے لیے۔”

“پھر بھی اب اگر تو ان کا گناہ معاف کر دے—؛ اور نہیں تو میں تیری منت کرتا ہوں، مجھے اپنی اس کتاب میں سے جو تو نے لکھی ہے مٹا دے۔ خداوند نے موسیٰ سے کہا، جس نے میرا گناہ کیا ہے میں اسی کو اپنی کتاب میں سے مٹاؤں گا۔”

“لیکن اگر شریر اپنے تمام گناہوں سے جو اس نے کیے ہیں باز آئے، اور میرے سب آئین پر چلے، اور جو جائز اور روا ہے کرے، تو وہ یقیناً زندہ رہے گا، وہ نہ مرے گا۔ جتنے گناہ اس نے کیے ہیں ان میں سے کسی کا ذکر اس کے خلاف نہ کیا جائے گا: وہ اپنی راستبازی میں جو اس نے کی زندہ رہے گا۔”

“آپ فرما دیجئے کہ کیا میں اللہ کے سوا کسی اور کو رب بنانے کے لئے تلاش کروں حالانکہ وہ مالک ہے ہر چیز کا اور جو شخص بھی کوئی عمل کرتا ہے وہ اسی پر رہتا ہے اور کوئی کسی دوسرے کا بوجھ نہ اٹھائے گا۔ پھر تم سب کو اپنے رب کے پاس جانا ہوگا۔ پھر وہ تم کو جتلائے گا جس جس چیز میں تم اختلاف کرتے تھے۔”

“اور یوں کہنے کے باعث کہ ہم نے اللہ کے رسول مسیح عیسیٰ بن مریم کو قتل کر دیا حالانکہ نہ تو انہوں نے اسے قتل کیا نہ سولی پر چڑھایا بلکہ ان کے لئے ان (عیسیٰ) کا شبیہ بنا دیا گیا تھا۔ یقین جانو کہ حضرت عیسیٰ (علیہ السلام) کے بارے میں اختلاف کرنے والے ان کے بارے میں شک میں ہیں، انہیں اس کا کوئی یقین نہیں بجز تخمینی باتوں پر عمل کرنے کے اتنا یقینی ہے کہ انہوں نے انہیں قتل نہیں کیا۔”

“بلکہ اللہ تعالیٰ نے انہیں اپنی طرف اٹھا لیا اور اللہ بڑا زبردست اور پوری حکمتوں والا ہے۔”

“اور ہم نے آپ کی طرف حق کے ساتھ یہ کتاب نازل فرمائی ہے جو اپنے سے اگلی کتابوں کی تصدیق کرنے والی ہے اور ان کی محافظ ہے۔ اس لئے آپ ان کے آپس کے معاملات میں اسی اللہ کی اتاری ہوئی کتاب کے ساتھ حکم کیجیئے، اس حق سے ہٹ کر ان کی خواہشوں کے پیچھے نہ جائیے تم میں سے ہر ایک کے لئے ہم نے ایک دستور اور راہ مقرر کردی ہے۔ اگر منظور مولیٰ ہوتا تو تم سب کو ایک ہی امت بنا دیتا، لیکن اس کی چاہت ہے کہ جو تمہیں دیا ہے اس میں تمہیں آزمائے، تم نیکیوں کی طرف جلدی کرو، تم سب کا رجوع اللہ ہی کی طرف ہے، پھر وہ تمہیں ہر وہ چیز بتا دے گا جس میں تم اختلاف کرتے رہتے ہو۔”