Paano pinakikitunguhan ng mga Muslim ang kanilang mga magulang at ang matatanda?

“Nagtadhana ang Panginoon mo na huwag kayong sumamba kundi sa Kanya at sa mga magulang ay [mag-ukol ng] paggawa ng maganda. Kung aabutan nga naman sa piling mo ng katandaan ang isa sa kanilang dalawa o ang kapwa sa kanilang dalawa ay huwag kang magsabi sa kanilang dalawa ng pagkasuya at huwag kang bumulyaw sa kanilang dalawa. Magsabi ka sa kanilang dalawa ng salitang marangal. Magbaba ka para sa kanila ng loob sa pagkaaba dahil sa pagkaawa at magsabi ka: “Panginoon ko, maawa Ka sa kanilang dalawa yayamang nag-alaga silang dalawa sa akin noong bata pa [ako].””

“Nagtagubilin Kami sa tao hinggil sa mga magulang niya [na maging mabuti] – nagdalang-tao sa kanya ang ina niya sa isang panlalata sa ibabaw isang panlalata at ang pag-awat sa kanya ay sa dalawang taon – na [nagsasabi]: Magpasalamat ka sa Akin at sa mga magulang mo. Tungo sa Akin ang kahahantungan.”

“Nagtagubilin Kami sa tao hinggil sa mga magulang niya ng paggawa ng maganda. Nagdalang-tao sa kanya ang ina niya sa hirap at nagsilang ito sa kanya sa hirap. Ang pagdadalang-tao sa kanya at ang pag-awat sa kanya ay tatlumpong buwan; hanggang sa nang umabot siya sa katindihan niya at umabot siya sa apatnapung taong gulang ay magsasabi siya: “Panginoon ko, udyukan Mo ako na magpasalamat ako sa biyaya Mo na ibiniyaya Mo sa akin at sa mga magulang ko, na gumawa ako ng maayos na kalulugdan Mo, at magsaayos Ka para sa akin sa mga supling ko; tunay na ako ay nagbalik-loob sa Iyo [sa pagsisisi at pagtalima] at tunay na ako ay kabilang sa mga Muslim.””

Tinanong ni Abdullah ibn Mas'ud ang Propeta (ﷺ) kung aling gawa ang pinakaiibig ni Allah. Sinabi niya: ang pagdarasal na iniaalay sa tamang oras nito. Nang tanungin kung ano ang kasunod, sinabi niya: ang pagiging mabuti at masunurin sa mga magulang.

Isinalaysay ni Abu Bakra na binanggit ng Propeta (ﷺ) ang pinakamalaki sa malalaking kasalanan: ang magtambal ng mga katambal kay Allah, at ang pagsuway sa mga magulang. Pagkatapos ay nagbabala siya laban sa huwad na pagsaksi.

Isinalaysay ni Abu Huraira na may isang lalaking nagtanong sa Propeta (ﷺ) kung sino ang pinakakarapat-dapat sa kanyang mabuting pakikisama. Sinabi ng Propeta: ang iyong ina. Tatlong ulit pang nagtanong ang lalaki kung sino ang kasunod, at ang sagot ay ang iyong ina, pagkatapos ay ang iyong ina, at pagkatapos ay ang iyong ama.

Isinalaysay ni Abu Huraira na tatlong ulit na sinabi ng Propeta (ﷺ): mapahiya nawa siya hanggang sa alabok. Nang tanungin kung sino, sinabi niya: ang taong ang kanyang mga magulang, isa man o pareho, ay umabot sa katandaan habang siya ay buhay, at hindi pa rin siya nakapasok sa Paraiso.

“Igalang mo ang iyong ama at ang iyong ina: upang humaba ang iyong mga araw sa lupaing ibinibigay sa iyo ng PANGINOON mong Diyos.”

“[Gumawa Siya sa akin] bilang mabuting-loob sa ina ko, at hindi Siya gumawa sa akin bilang palasupil na malumbay.”

“[Banggitin] noong nagsabi ang mga anghel kay Maria: O Maria, tunay na si Allāh ay humirang sa iyo, nagdalisay sa iyo, at humirang sa iyo higit sa mga babae ng mga nilalang.”