Sinasabi ba ng Bibliya na napapagod, natutulog o nakalilimot ang Diyos?

“Hindi mo ba nalaman? hindi mo ba narinig, na ang walang hanggang Diyos, ang PANGINOON, ang Maylalang ng mga wakas ng lupa, ay hindi nanghihina, ni napapagod man? walang makasasaliksik ng kanyang pagkaunawa.”

“Narito, ang nag-iingat sa Israel ay hindi iidlip ni matutulog man.”

“Ito'y isang tanda sa pagitan ko at ng mga anak ni Israel magpakailanman: sapagkat sa anim na araw ay ginawa ng PANGINOON ang langit at ang lupa, at sa ikapitong araw ay nagpahinga siya, at naginhawahan.”

“Talaga ngang lumikha Kami ng mga langit at lupa at anumang nasa pagitan ng mga ito sa anim na araw at walang sumaling sa Amin na anumang pagkapata.”

“At naiwang mag-isa si Jacob; at nakipagbuno sa kanya ang isang lalaki hanggang sa pagbubukang-liwayway. At nang makita nito na hindi ito nananaig laban sa kanya, ay hinipo nito ang kasukasuan ng kanyang hita; at nalinsad ang kasukasuan ng hita ni Jacob, habang siya'y nakikipagbuno rito.”

“At sinabi niya, Ang iyong pangalan ay hindi na tatawaging Jacob, kundi Israel: sapagkat bilang isang prinsipe ay may kapangyarihan ka sa Diyos at sa mga tao, at nanaig ka.”

“At tinawag ni Jacob ang pangalan ng dakong iyon na Peniel: sapagkat nakita ko ang Diyos nang mukhaan, at naingatan ang aking buhay.”

“Mamamalagi naman ang mukha ng Panginoon mo, ang ukol sa pagkapinagpipitaganan at pinagpaparangalan.”

“[Si Allāh] ang Tagapaglalang ng mga langit at lupa, gumawa Siya para sa inyo mula sa mga sarili ninyo ng mga kabiyak at mula sa mga hayupan ng mga kabiyak, na nagpaparami Siya sa inyo dahil doon. Walang katulad sa Kanya na anuman [ni may anumang totoong diyos maliban sa Kanya], at Siya ay ang Madinigin, ang Nakakikita.”

“Sabihin mo: “Siyang si Allāh ay Kaisa-isa. Si Allāh ay ang Dulugan [sa pangangailangan]. Hindi Siya nagkaanak at hindi Siya ipinanganak. Hindi nagkaroon sa Kanya ng isang kapantay na isa man.””

“At ang bahaghari ay sasaulap; at titingnan ko ito, upang aking maalaala ang walang hanggang tipan sa pagitan ng Diyos at ng bawat may buhay na nilalang sa lahat ng laman na nasa ibabaw ng lupa.”

“Gumising ka, bakit ka natutulog, O Panginoon? bumangon ka, huwag mo kaming itakwil magpakailanman.”

“Nang magkagayo'y nagising ang Panginoon na gaya ng isang nagising sa pagkakatulog, at gaya ng isang makapangyarihang lalaki na sumisigaw dahil sa alak.”

“Nagsabi siya: Ang kaalaman doon ay nasa ganang Panginoon ko sa isang talaan. Hindi naliligaw ang Panginoon ko at hindi Siya nakalilimot.”

“[Sabihin mo, O Anghel Gabriel:] Hindi kami nagbababaan kundi ayon sa utos ng Panginoon mo. Sa Kanya ang nasa pagitan ng mga kamay namin at ang nasa likuran namin at ang nasa pagitan niyon. Laging ang Panginoon mo ay hindi malilimutin.”

“Si Allāh, walang Diyos kundi Siya, ang Buháy, ang Mapagpanatili. Walang nakatatangay sa Kanya na isang antok ni isang pagkatulog. Sa Kanya ang anumang nasa mga langit at ang anumang nasa lupa. Sino itong mamamagitan sa piling Niya malibang ayon pahintulot Niya? Nakaaalam Siya sa anumang nasa harapan nila at anumang nasa likuran nila. Hindi sila nakapapaligid sa anuman mula sa kaalaman Niya malibang ayon sa niloob Niya. Sumakop ang silya Niya sa mga langit at lupa at hindi nakabibigat sa Kanya ang pangangalaga sa mga ito. Siya ay ang Mataas, ang Sukdulan.”

“Ang papuri ay ukol kay Allāh na nagkaloob para sa akin sa katandaan kina Ismael at Isaac. Tunay na ang Panginoon ko ay talagang Madinigin sa panalangin.”

“Tunay na si Allāh ay nakaaalam sa nakalingid sa mga langit at lupa. Si Allāh ay Nakakikita sa anumang ginagawa ninyo.”

“Ang aking tipan ay hindi ko sisirain, ni babaguhin man ang bagay na lumabas sa aking mga labi.”

“Ngunit ikaw ay nagtakwil at nasuklam, ikaw ay nagalit sa iyong pinahiran. Iyong pinawalang-bisa ang tipan ng iyong lingkod: iyong nilapastangan ang kanyang korona sa paghahagis nito sa lupa.”

“Bilang pangako ni Allāh, hindi sumisira si Allāh sa pangako Niya; subalit ang higit na marami sa mga tao ay hindi nakaaalam.”

“Sabihin mo [O Propeta na sinabi Ko]: “O mga lingkod Ko na nagpakalabis laban sa mga sarili nila, huwag kayong masiraan ng loob sa awa ni Allāh; tunay na si Allāh ay nagpapatawad sa mga pagkakasala nang lahatan. Tunay na Siya ay ang Mapagpatawad, ang Maawain.””

“Nang magkagayo'y dinala ng Espiritu si Jesus sa ilang upang tuksuhin ng diyablo.”

“Huwag sabihin ng sinuman kapag siya'y tinutukso, Ako'y tinutukso ng Diyos: sapagkat ang Diyos ay hindi matutukso ng masama, at hindi rin siya nanunukso sa kaninuman:”

“Ngunit tungkol sa araw na yaon o sa oras na yaon ay walang taong nakaaalam, wala, kahit ang mga anghel na nasa langit, ni ang Anak, kundi ang Ama.”

“Ang Diyos ay hindi tao, upang siya'y magsinungaling; ni anak ng tao, upang siya'y magsisi: sinabi ba niya, at hindi niya gagawin? o nagsalita ba siya, at hindi niya tutuparin?”

“Hindi ko isasagawa ang bangis ng aking galit, hindi ako babalik upang lipulin ang Efraim: sapagkat ako'y Diyos, at hindi tao; ang Banal sa gitna mo: at hindi ako papasok sa lungsod.”