Pinatutunayan ba ng mga himala ni Jesus at ng kanyang pag-akyat sa langit na siya ay Diyos?

“At lumapit siya at hinipo ang kabaong: at tumigil ang mga nagbubuhat. At sinabi niya, Binata, sinasabi ko sa iyo, Bumangon ka.”

“At nang masabi niya ang mga bagay na ito, samantalang sila'y nakatingin, ay itinaas siya; at tinanggap siya ng isang alapaap mula sa kanilang paningin.”

“At siya'y umunat sa ibabaw ng bata nang tatlong ulit, at dumaing sa PANGINOON, at sinabi, O PANGINOON kong Diyos, ipinamamanhik ko sa iyo, pabalikin mo ang kaluluwa ng batang ito sa kanya. At dininig ng PANGINOON ang tinig ni Elias; at ang kaluluwa ng bata ay bumalik sa kanya, at siya'y muling nabuhay.”

“At nang dumating si Eliseo sa bahay, narito, ang bata ay patay na, at nakahiga sa kanyang higaan. Pumasok nga siya, at isinara ang pinto sa kanilang dalawa, at nanalangin sa PANGINOON. At siya'y sumampa, at humiga sa ibabaw ng bata, at inilapat ang kanyang bibig sa bibig nito, at ang kanyang mga mata sa mga mata nito, at ang kanyang mga kamay sa mga kamay nito: at siya'y umunat sa ibabaw ng bata; at uminit ang laman ng bata. Pagkatapos ay bumalik siya, at lumakad sa bahay nang paroo't parito; at sumampa, at umunat sa ibabaw niya: at bumahing ang bata nang pitong ulit, at iminulat ng bata ang kanyang mga mata.”

“Nang magkagayo'y lumusong siya, at lumubog nang pitong ulit sa Jordan, ayon sa sinabi ng lalaking Diyos: at ang kanyang laman ay nanumbalik na gaya ng laman ng isang munting bata, at siya'y naging malinis.”

“At may dumating na isang lalaki mula sa Baal-salisa, at nagdala sa lalaking Diyos ng tinapay ng mga unang bunga, dalawampung tinapay na sebada, at mga sariwang uhay ng trigo sa balat nito. At sinabi niya, Ibigay mo sa mga tao, upang sila'y makakain. At sinabi ng kanyang lingkod, Ano, ihahain ko ba ito sa harap ng isang daang lalaki? Sinabi niyang muli, Ibigay mo sa mga tao, upang sila'y makakain: sapagkat ganito ang sabi ng PANGINOON, Sila'y kakain, at magtitira. Kaya inihain niya ito sa harap nila, at sila'y kumain, at nagtira, ayon sa salita ng PANGINOON.”

“At nang sila'y bumaba sa kanya, ay nanalangin si Eliseo sa PANGINOON, at sinabi, Sakitin mo ang bayang ito, ipinamamanhik ko sa iyo, ng pagkabulag. At sinaktan niya sila ng pagkabulag ayon sa salita ni Eliseo.”

“At nangyari, nang sila'y dumating sa Samaria, na sinabi ni Eliseo, PANGINOON, buksan mo ang mga mata ng mga lalaking ito, upang sila'y makakita. At binuksan ng PANGINOON ang kanilang mga mata, at sila'y nakakita; at, narito, sila'y nasa gitna ng Samaria.”

“Na siyang mag-isang naglaladlad ng mga langit, at yumayapak sa mga alon ng dagat.”

“Kanyang pinatatahimik ang bagyo, na anupa't ang mga alon niyaon ay tumatahimik.”

“At sinabi niya, Halika. At nang makababa si Pedro sa daong, ay lumakad siya sa ibabaw ng tubig, upang pumaroon kay Jesus.”

“At iniunat ni Moises ang kanyang kamay sa ibabaw ng dagat; at pinaurong ng PANGINOON ang dagat sa pamamagitan ng isang malakas na hanging silanganan nang buong gabing yaon, at ginawang tuyong lupa ang dagat, at ang tubig ay nahawi.”

“At kinuha ni Elias ang kanyang balabal, at tiniklop, at hinampas ang tubig, at nahawi dito at doon, na anupa't silang dalawa ay tumawid sa tuyong lupa.”

“At si Elias na Tisbita, na isa sa mga nakikipamayan sa Galaad, ay nagsabi kay Ahab, Buhay ang PANGINOON, ang Diyos ng Israel, na aking pinaglilingkuran, walang hamog ni ulan sa mga taong ito, kundi ayon sa aking salita.”

“Si Elias ay isang taong may damdaming gaya rin natin, at siya'y nanalanging taimtim na huwag umulan; at hindi umulan sa lupa sa loob ng tatlong taon at anim na buwan. At siya'y muling nanalangin, at ang langit ay nagbigay ng ulan, at ang lupa ay namunga ng kanyang bunga.”

“Ngunit nang makita ito ng mga karamihan, ay nangamangha sila, at niluwalhati ang Diyos, na nagbigay ng gayong kapangyarihan sa mga tao.”

“At lumakad si Enoc na kasama ng Diyos: at siya'y nawala; sapagkat kinuha siya ng Diyos.”

“At nangyari, habang sila'y nagpapatuloy sa paglakad, at nag-uusap, na, narito, may napakitang isang karong apoy, at mga kabayong apoy, at naghiwalay sa kanilang dalawa; at umakyat si Elias sa langit sa pamamagitan ng isang ipu-ipo.”

“At nang masabi niya ang mga bagay na ito, samantalang sila'y nakatingin, ay itinaas siya; at tinanggap siya ng isang alapaap mula sa kanilang paningin.”

“Kayong mga lalaking taga-Israel, pakinggan ninyo ang mga salitang ito; Si Jesus na taga-Nazaret, isang lalaking pinatunayan ng Diyos sa inyo sa pamamagitan ng mga himala at mga kababalaghan at mga tanda, na ginawa ng Diyos sa pamamagitan niya sa gitna ninyo, gaya ng nalalaman din ninyo:”

“Ako'y walang magagawang anuman sa aking sarili: kung paano ang naririnig ko, ay gayon ako humahatol: at matuwid ang aking paghatol; sapagkat hindi ko hinahanap ang aking sariling kalooban, kundi ang kalooban ng Ama na nagsugo sa akin.”

“Ngunit kung ako'y nagpapalayas ng mga demonyo sa pamamagitan ng Espiritu ng Diyos, ay dumating nga sa inyo ang kaharian ng Diyos.”

“Inalis nga nila ang bato sa pinaglagyan sa patay. At itiningala ni Jesus ang kanyang mga mata, at sinabi, Ama, nagpapasalamat ako sa iyo na ako'y iyong dininig. At nalalaman kong ako'y lagi mong dinirinig: ngunit dahil sa mga taong nakatayo sa paligid ay sinabi ko ito, upang sila'y sumampalatayang ako'y iyong sinugo.”

“[Gagawa Siya rito] bilang sugo sa mga anak ni Israel, [na magsasabi]: ‘Na ako ay naghatid nga sa inyo ng isang tanda mula sa Panginoon ninyo; na ako ay lilikha para sa inyo mula sa putik ng gaya ng anyo ng ibon, saka iihip rito, saka ito ay magiging isang ibon ayon sa pahintulot ni Allāh. Magpapagaling ako ng ipinanganak na bulag at ketungin. Magbibigay-buhay ako sa mga patay ayon sa pahintulot ni Allāh. Magbabalita ako sa inyo ng kinakain ninyo at iniimbak ninyo sa mga bahay ninyo. Tunay na sa gayon ay talagang may tanda para sa inyo kung kayo ay mga mananampalataya.”

“[Banggitin] kapag magsasabi si Allāh: “O Jesus na anak ni Maria, bumanggit ka sa biyaya Ko sa iyo at sa ina mo noong umalalay Ako sa iyo sa pamamagitan ng Espiritu ng Kabanalan habang nagsasalita ka sa mga tao habang nasa duyan at nasa kasapatang-gulang; noong nagturo Ako sa iyo ng pagsulat, karunungan, at Torah, at Ebanghelyo; noong lumilikha ka mula sa putik ng gaya ng anyo ng ibon ayon sa pahintulot Ko saka umiihip ka rito kaya ito ay nagiging ibon, at nagpapagaling ka ng ipinanganak na bulag at ng ketungin ayon sa pahintulot Ko; noong nagpapalabas ka sa mga patay ayon sa pahintulot Ko; at noong pumigil Ako sa [tangkang pagpatay ng] mga anak ni Israel palayo sa iyo noong naghatid ka sa kanila ng mga malinaw na patunay at nagsabi ang mga tumangging sumampalataya kabilang sa kanila: Walang iba ito kundi isang panggagaway na malinaw.””

“Nagsabi [si Jesus]: Tunay na ako ay alipin ni Allāh. Nagbigay Siya sa akin ng Kasulatan at gumawa Siya sa akin bilang propeta.”

“Talaga ngang nagsugo Kami ng mga sugo bago mo pa at gumawa Kami para sa kanila ng mga maybahay at mga supling. Hindi naging ukol sa isang sugo na maghatid ng isang tanda malibang ayon sa pahintulot ni Allāh. Para sa bawat taning ay may pagtatakda [ni Allāh].”

“bagkus nag-angat sa kanya [ng katawan at kaluluwa] si Allāh tungo sa Kanya. Laging si Allāh ay Makapangyarihan, Marunong.”