Çfarë tha Jezusi se duhet të bëjmë për të pasur jetën e përjetshme?

“Dhe ja, një njeri erdhi dhe i tha: Mësues i mirë, ç'të mirë duhet të bëj që të kem jetën e përjetshme? Dhe ai i tha: Pse më quan të mirë? Askush nuk është i mirë përveç një të vetmi, domethënë Perëndisë; por, në qoftë se do të hysh në jetë, zbato urdhërimet.”

“Ai i tha: Cilat? Jezusi tha: Mos vrit, mos shkel kurorën, mos vidh, mos bëj dëshmi të rreme, nderoje atin tënd dhe nënën tënde; dhe: Duaje të afërmin tënd si veten.”

“Dhe ja, një ligjvënës u ngrit për ta vënë në provë dhe tha: Mësues, ç'duhet të bëj që të trashëgoj jetën e përjetshme? Ai i tha: Çfarë është shkruar në ligj? Si lexon? Dhe ai, duke u përgjigjur, tha: Duaje Zotin, Perëndinë tënd, me gjithë zemrën tënde, me gjithë shpirtin tënd, me gjithë forcën tënde dhe me gjithë mendjen tënde; dhe të afërmin tënd si veten. Dhe ai i tha: Ke dhënë përgjigje të drejtë; bëje këtë dhe do të jetosh.”

“Mos mendoni se unë erdha të shfuqizoj ligjin ose profetët; nuk erdha të shfuqizoj, por të përmbush.”

“Prandaj ai që do të shkelë një nga këto urdhërime më të vogla dhe do t'u mësojë njerëzve të bëjnë kështu, do të quhet më i vogli në mbretërinë e qiejve; ndërsa ai që do t'i zbatojë dhe do t'i mësojë, do të quhet i madh në mbretërinë e qiejve.”

“Sepse unë po ju them se, në qoftë se drejtësia juaj nuk e tejkalon drejtësinë e skribëve dhe të farisenjve, ju nuk do të hyni aspak në mbretërinë e qiejve.”

“Dhe (kam ardhur te ju) për t’ju vërtetuar Teuratin, që është para meje dhe që t’ju lejoj disa gjëra që i keni pasur të ndaluara. Ju kam sjellë një provë nga Zoti juaj, prandaj kijeni frikë Allahun dhe bindmuni!”

“dhe që ndjekin të Dërguarin Tonë, Profetin që nuk di shkrim e lexim, të cilin ata do ta gjejnë të shënuar në shkrimet e tyre, në Teurat dhe Ungjill. Ai do t’i urdhërojë ata të bëjnë vepra të mira dhe do t’i ndalojë nga të këqijat; do t’ua lejojë të mirat e do t’ua ndalojë të këqijat, duke i liruar nga barrët e rënda dhe vështirësitë që kanë pasur. Prandaj, ata që do ta besojnë, përkrahin dhe nderojnë atë, duke ndjekur dritën që është zbritur me të, pikërisht ata janë të fituarit.”

“Jo kushdo që më thotë: Zot, Zot, do të hyjë në mbretërinë e qiejve, por ai që bën vullnetin e Atit tim që është në qiej.”

“Sepse Biri i njeriut do të vijë në lavdinë e Atit të tij me engjëjt e tij; dhe atëherë do t'i shpërblejë secilit sipas veprave të tij.”

“Dhe Jezusi iu përgjigj: I pari nga të gjitha urdhërimet është: Dëgjo, o Izrael: Zoti, Perëndia ynë, është i vetmi Zot;”

“Dhe kjo është jeta e përjetshme: të njohin ty, të vetmin Perëndi të vërtetë, dhe Jezu Krishtin që ti ke dërguar.”

“Sepse Perëndia e deshi aq botën, sa dha Birin e tij të vetëmlindur, që kushdo që beson në të të mos humbasë, por të ketë jetë të përjetshme.”

“Sepse ju jeni shpëtuar me anë të hirit, nëpërmjet besimit; dhe kjo nuk vjen nga ju, është dhuratë e Perëndisë; jo nga vepra, që të mos mburret askush.”

“Kur i dëgjuan këto, dishepujt e tij u habitën shumë dhe thanë: Atëherë kush mund të shpëtojë? Dhe Jezusi i shikoi dhe u tha: Për njerëzit kjo është e pamundur, por për Perëndinë çdo gjë është e mundur.”

“Duke ditur se njeriu nuk shfajësohet me veprat e ligjit, por me anë të besimit të Jezu Krishtit, edhe ne kemi besuar në Jezu Krishtin, që të shfajësohemi me anë të besimit të Krishtit dhe jo me veprat e ligjit; sepse me veprat e ligjit asnjë mish nuk do të shfajësohet.”

“Prandaj ne arrijmë në përfundimin se njeriu shfajësohet me anë të besimit, pa veprat e ligjit.”

“Ju e shihni, pra, se njeriu shfajësohet me vepra dhe jo vetëm me besim.”

“Thuaj: “Unë jam vetëm një vdekatar si ju, që më është shpallur se Zoti juaj është një Zot i Vetëm. Kështu, kush shpreson takimin me Zotin e vet, le të bëjë vepra të mira dhe të mos i shoqërojë askënd në adhurim Zotit të vet!””

“Për kohën! Me të vërtetë, njeriu është në humbje, përveç atyre që besojnë dhe bëjnë vepra të mira, i këshillojnë njëri-tjetrit të vërtetën e i këshillojnë njëri-tjetrit durimin.”

“Dhe kushdo që bën vepra të mira, qoftë ai mashkull ose femër, duke qenë besimtar, do të hyjë në Xhenet dhe nuk do t’i bëhet asnjë padrejtësi.”

Ebu Hurejra transmeton se Profeti (ﷺ) tha se askë nuk do ta shpëtojnë veprat e tij. Kur e pyetën nëse kjo e përfshinte edhe atë, tha: as mua, përveç nëse Allahu më mbulon me mëshirën e Tij. Pastaj u tha të bëjnë vepra të mira si duhet, me sinqeritet dhe me masë.