A është Jezusi Perëndi?

“Jezusi i tha: Mos më prek, sepse nuk jam ngjitur ende tek Ati im; por shko te vëllezërit e mi dhe u thuaj atyre: Unë po ngjitem tek Ati im dhe Ati juaj, te Perëndia im dhe Perëndia juaj.”

“Atë që fiton do ta bëj shtyllë në tempullin e Perëndisë tim, dhe ai nuk do të dalë më jashtë; dhe mbi të do të shkruaj emrin e Perëndisë tim dhe emrin e qytetit të Perëndisë tim, Jeruzalemit të ri, që zbret nga qielli prej Perëndisë tim, dhe emrin tim të ri.”

“që Perëndia i Zotit tonë Jezu Krisht, Ati i lavdisë, t'ju japë frymën e diturisë dhe të zbulesës, për ta njohur atë;”

“Dhe kjo është jeta e përjetshme: të njohin ty, të vetmin Perëndi të vërtetë, dhe Jezu Krishtin që ti ke dërguar.”

“Keni dëgjuar se ju thashë: Unë po shkoj dhe do të kthehem te ju. Po të më donit, do të gëzoheshit që thashë: Po shkoj tek Ati, sepse Ati im është më i madh se unë.”

“Në të vërtetë, në të vërtetë po ju them: shërbëtori nuk është më i madh se zotëria e tij, as i dërguari më i madh se ai që e ka dërguar.”

“Jezusi u tha atyre: Po të ishte Perëndia Ati juaj, do të më donit mua, sepse unë dola dhe erdha nga Perëndia; nuk erdha nga vetja, por ai më dërgoi.”

“Dhe Jezusi i tha: Pse më quan të mirë? Askush nuk është i mirë, përveç një të vetmi: Perëndisë.”

“Dhe Jezusi erdhi dhe u foli atyre duke thënë: Mua më është dhënë çdo pushtet në qiell e në tokë.”

“Por atë ditë dhe atë orë askush nuk e di, as engjëjt që janë në qiell, as Biri, por vetëm Ati.”

“Dhe ai u tha atyre: Nuk është puna juaj të dini kohët ose stinët që Ati i ka vënë në pushtetin e vet.”

“Zbulesa e Jezu Krishtit, të cilën Perëndia ia dha atij për t'u treguar shërbëtorëve të tij gjërat që duhet të ndodhin shpejt; dhe ai e bëri të njohur duke e dërguar me anë të engjëllit të tij te shërbëtori i tij Gjon.”

“Burra të Izraelit, dëgjoni këto fjalë: Jezusin nga Nazareti, njeri i dëshmuar te ju nga Perëndia me vepra të fuqishme, mrekulli dhe shenja, që Perëndia bëri me anë të tij në mesin tuaj, siç e dini edhe vetë;”

“Perëndia i Abrahamit, i Isakut dhe i Jakobit, Perëndia i etërve tanë, e përlëvdoi Shërbëtorin e tij Jezusin, të cilin ju e dorëzuat dhe e mohuat përpara Pilatit, kur ai kishte vendosur ta lironte.”

“Ja shërbëtori im që kam zgjedhur, i dashuri im, në të cilin shpirti im gjen kënaqësi; do të vë Frymën time mbi të dhe ai do t'u shpallë kombeve drejtësinë.”

“Sepse ka një Perëndi të vetëm dhe një ndërmjetës të vetëm midis Perëndisë dhe njerëzve: njeriu Krisht Jezus;”

“Por tani ju kërkoni të më vrisni mua, një njeri që ju kam thënë të vërtetën që kam dëgjuar nga Perëndia; këtë Abrahami nuk e bëri.”

“Por dua që ta dini se kreu i çdo burri është Krishti, kreu i gruas është burri dhe kreu i Krishtit është Perëndia.”

“Dhe kur t'i jenë nënshtruar atij të gjitha gjërat, atëherë edhe vetë Biri do t'i nënshtrohet atij që i nënshtroi të gjitha gjërat, që Perëndia të jetë gjithçka në të gjithë.”

“Por për ne ka vetëm një Perëndi, Atin, prej të cilit janë të gjitha gjërat dhe ne në të; dhe një Zot, Jezu Krishtin, me anë të të cilit janë të gjitha gjërat dhe ne me anë të tij.”

“duke pritur shpresën e bekuar dhe shfaqjen e lavdishme të Perëndisë së madh dhe Shpëtimtarit tonë Jezu Krisht;”

“Por ne shohim Jezusin, që u bë pak më i ulët se engjëjt për shkak të vuajtjes së vdekjes, të kurorëzuar me lavdi dhe nder, që me hirin e Perëndisë ta shijonte vdekjen për çdo njeri.”

“duke u bërë aq më i lartë se engjëjt, sa më të shkëlqyer se ata është emri që trashëgoi.”

“që shkoi në qiell dhe është në të djathtë të Perëndisë; dhe engjëjt, autoritetet dhe fuqitë iu nënshtruan atij.”

“Perëndia nuk është njeri që të gënjejë, as bir njeriu që të pendohet. A thotë ai diçka dhe nuk e bën? A flet ai dhe nuk e çon në vend?”

“Askush, kur tundohet, të mos thotë: Unë tundohem nga Perëndia; sepse Perëndia nuk mund të tundohet nga e keqja dhe ai vetë nuk tundon askënd;”

“Atëherë Jezusi u çua nga Fryma në shkretëtirë për t'u tunduar nga djalli.”

“Askush nuk e ka parë ndonjëherë Perëndinë; Biri i vetëmlindur, që është në gji të Atit, ai e ka bërë të njohur.”

“Askush nuk e ka parë ndonjëherë Perëndinë. Po ta duam njëri-tjetrin, Perëndia qëndron në ne dhe dashuria e tij është e përsosur në ne.”

“Dhe pasi shkoi pak më tutje, ra me fytyrë përdhe dhe lutej duke thënë: O Ati im, në qoftë e mundur, le të largohet prej meje kjo kupë; megjithatë jo si dua unë, por si do ti.”

“Në fillim ishte Fjala, dhe Fjala ishte me Perëndinë, dhe Fjala ishte Perëndi.”

“Dhe Thomai u përgjigj dhe i tha: Zoti im dhe Perëndia im!”

“Jezusi u tha atyre: Në të vërtetë, në të vërtetë po ju them: para se të ishte Abrahami, unë jam.”

“Ndërsa për Birin thotë: Froni yt, o Perëndi, është në shekuj të shekujve; skeptri i mbretërisë sate është skeptër drejtësie.”

“Pa dyshim, janë jobesimtarë ata që thonë: “Allahu është Mesihu, i biri i Merjemes!”, sepse vetë Mesihu ka thënë: O bijtë e Israilit, adhuroni Allahun, që është Zoti im dhe Zoti juaj! Sigurisht, atij që adhuron tjetërkënd përveç Allahut, Allahu do t’ia ndalojë Xhenetin dhe strehim i tij do të jetë Zjarri. Për keqbërësit nuk ka ndihmës.”

“O ithtarët e Librit! Mos e kaloni kufirin në besimin tuaj dhe për Allahun thoni vetëm të vërtetën! Mesihu - Isai, i biri i Merjemes, është vetëm i Dërguar i Allahut dhe Fjala e Tij, të cilën ia ka dërguar Merjemes, si dhe shpirt (i krijuar) nga Ai. Pra, besojini Allahut dhe të dërguarve të Tij! Dhe mos thoni: “Tre zota”! Hiqni dorë, se është më mirë për ju! Allahu është vetëm një Zot - qoftë lavdëruar Ai! Ai është tepër i lartësuar për të pasur fëmijë. E Tij është gjithçka që gjendet në qiej dhe në Tokë. Allahu mjafton për rregullimin e gjithësisë.”

“Ai (Isai në djep) tha: Unë jam rob i Allahut. Ai më ka dhënë Librin (Ungjillin), më ka bërë profet”

“Mesihu, i biri i Merjemes, është vetëm një i dërguar. Edhe para tij kanë kaluar të dërguar. Nëna e tij përherë ka qenë e drejtë. Që të dy hanin ushqim. Shiko si ua shpjegojmë atyre shpalljet tona dhe shih si largohen nga e Vërteta!”

“Jezusi i tha: Mos më prek, sepse nuk jam ngjitur ende tek Ati im; por shko te vëllezërit e mi dhe u thuaj atyre: Unë po ngjitem tek Ati im dhe Ati juaj, te Perëndia im dhe Perëndia juaj.”