A thotë Bibla se Perëndia lodhet, fle ose harron?

“Nuk e di, vallë? Nuk e ke dëgjuar? Perëndia i përjetshëm, ZOTI, Krijuesi i skajeve të tokës, nuk lodhet dhe nuk këputet; zgjuarsia e tij nuk mund të hetohet.”

“Ja, ai që ruan Izraelin nuk do të dremitë dhe nuk do të flejë.”

“Është një shenjë midis meje dhe bijve të Izraelit përjetë: sepse në gjashtë ditë ZOTI bëri qiellin dhe tokën, dhe ditën e shtatë pushoi dhe u freskua.”

“Ne i kemi krijuar qiejt, Tokën dhe çdo gjë që gjendet midis tyre për gjashtë ditë, pa ndierë lodhje aspak.”

“Dhe Jakobi mbeti vetëm; dhe një njeri u përlesh me të deri në agim. Dhe kur pa se nuk e mundte, e preku në zgavrën e kofshës; dhe zgavra e kofshës së Jakobit u nxor nga vendi, ndërsa përleshej me të.”

“Ai i tha: ‘Emri yt nuk do të jetë më Jakob, por Izrael, sepse ke luftuar si princ me Perëndinë dhe me njerëzit dhe ke fituar’.”

“Dhe Jakobi e quajti atë vend Peniel, sepse tha: E pashë Perëndinë sy për sy, dhe jeta ime u ruajt.”

“e do të mbetet vetëm Fytyra (Qenia) e Zotit Tënd, plot Madhëri dhe Nderim.”

“Krijues i qiejve dhe i Tokës, Ai ju ka dhënë bashkëshorte nga vetja juaj për t’ju shumuar, si dhe bagëti në çifte. Asgjë nuk i shëmbëllen Atij. Ai i dëgjon të gjitha dhe i sheh të gjitha.”

“Thuaj: “Ai është Allahu, Një dhe i Vetëm! Allahu është Absoluti, të Cilit i përgjërohet gjithçka në amshim. Ai as nuk lind, as nuk është i lindur. Dhe askush nuk është i barabartë (a i krahasueshëm) me Atë!””

“Dhe ylberi do të jetë në re; dhe unë do ta shikoj, që të kujtoj besëlidhjen e përjetshme midis Perëndisë dhe çdo krijese të gjallë, të çdo mishi që është mbi tokë.”

“Zgjohu! Pse fle, o Zot? Çohu, mos na hidh poshtë përgjithmonë.”

“Atëherë Zoti u zgjua si një që del nga gjumi, si një trim që bërtet nga vera.”

“(Musai) tha: “Dijenia lidhur me ta gjendet te Zoti im, në Libër. Zoti im nuk gabon dhe nuk harron!””

“(Xhebraili tha): “Ne (engjëjt) zbresim vetëm me urdhrin e Zotit tënd. Atij i përket gjithçka që është para nesh, gjithçka që është pas nesh dhe gjithçka që është në mes. Dhe Zoti yt nuk harron kurrë”.”

“Allahu! Nuk ka zot tjetër (që meriton adhurimin) përveç Tij, të Gjallit, të Përjetshmit, Mbajtësit të gjithçkaje! Atë nuk e kaplon as dremitja, as gjumi! Atij i përket gjithçka që gjendet në qiej dhe gjithçka që gjendet në Tokë. Kush mund të ndërhyjë tek Ai për ndokënd pa lejen e Tij? Ai di çdo gjë që ka ndodhur përpara dhe çdo gjë që do të ndodhë pas njerëzve, kurse ata nuk mund të përvetësojnë asgjë nga Dituria e Tij, përveçse aq sa Ai dëshiron. Kursi-u i Tij shtrihet mbi qiejt dhe Tokën dhe Ai nuk e ka të rëndë t’i ruajë ato. Ai është i Larti, Madhështori!”

“Qoftë lavdëruar Allahu, i cili në pleqëri më dhuroi Ismailin dhe Is’hakun! Vërtet, Zoti im i dëgjon lutjet!”

“Allahu i di fshehtësitë e qiejve dhe të Tokës. Allahu i sheh të gjitha ato që bëni ju.”

“Nuk do ta shkel besëlidhjen time dhe nuk do ta ndryshoj atë që ka dalë nga buzët e mia.”

“Por ti e ke hedhur poshtë dhe e ke përbuzur, je zemëruar me të vajosurin tënd. E ke anuluar besëlidhjen e shërbëtorit tënd; e ke përdhosur kurorën e tij duke e hedhur për tokë.”

“(Ky është) premtimi i Allahut, e Allahu nuk e thyen premtimin e vet, por shumica e njerëzve nuk e dinë.”

“Thuaj: O robërit e Mi, që i keni bërë keq vetes me gjynahe, mos e humbni shpresën në mëshirën e Allahut! Allahu, me siguri, i fal të gjitha gjynahet. Vërtet, Ai është Falësi i madh dhe Mëshirëploti.”

“Atëherë Jezusi u çua nga Fryma në shkretëtirë për t'u tunduar nga djalli.”

“Askush, kur tundohet, të mos thotë: Unë tundohem nga Perëndia; sepse Perëndia nuk mund të tundohet nga e keqja dhe ai vetë nuk tundon askënd;”

“Por atë ditë dhe atë orë askush nuk e di, as engjëjt që janë në qiell, as Biri, por vetëm Ati.”

“Perëndia nuk është njeri që të gënjejë, as bir njeriu që të pendohet. A thotë ai diçka dhe nuk e bën? A flet ai dhe nuk e çon në vend?”

“Nuk do ta shfryj zjarrin e zemërimit tim, nuk do të kthehem për të shkatërruar Efraimin; sepse unë jam Perëndia dhe jo njeri, i Shenjti në mes teje; dhe nuk do të hyj në qytet.”