Nëse bëhem mysliman, a duhet të heq dorë nga Jezusi?

“I Dërguari beson në atë (Kuranin) që i është shpallur nga Zoti i tij e po ashtu dhe besimtarët: të gjithë besojnë në Allahun, engjëjt e Tij, librat e Tij dhe të dërguarit e Tij (duke thënë): “Ne nuk bëjmë dallim mes asnjërit prej të dërguarve të Tij”. Ata thonë: “Ne dëgjojmë dhe bindemi. Faljen Tënde kërkojmë, o Zoti Ynë dhe te Ti do të kthehemi!””

Ubade transmeton se Profeti (ﷺ) tha: kushdo që dëshmon se nuk ka të adhuruar me të drejtë përveç Allahut, të Vetëm, pa ortak, se Muhamedi është robi dhe i dërguari i Tij, dhe se Isai është robi dhe i dërguari i Allahut, Fjala e Tij që ia dha Merjemes dhe shpirt prej Tij, dhe se Xheneti dhe Xhehenemi janë të vërtetë, Allahu do ta fusë në Xhenet, me çfarëdo veprash që të ketë bërë, edhe nëse ishin të pakta.

“(Kujto) kur engjëjt thanë: O Merjeme! Allahu të jep lajmin e mirë për një (djalë që do të lindë me një) Fjalë prej Tij: emrin do ta ketë Mesih - Isa i biri i Merjemes, do të jetë i nderuar në këtë botë dhe në tjetrën dhe një nga të afërmit e Allahut.”

“Ajo tha: “Zoti im! Qysh do të kem unë fëmijë, kur nuk më ka prekur askush?!” – “Kështu – tha (engjëlli) - Allahu krijon ç’të dojë Vetë. Kur vendos diçka, Ai vetëm thotë për të: “Bëhu!” dhe ajo bëhet.””

“Iu përgjigj: “Kështu është! Zoti yt ka thënë: ‘Kjo për Mua është e lehtë. Ne do ta bëjmë atë shenjë për njerëzit dhe mëshirë nga ana Jonë’. Dhe kjo është punë e kryer.””

“Rasti i Isait për Allahun është si rasti i Ademit që e krijoi prej baltës e pastaj i tha: “Bëhu!” - dhe ai u bë.”

“dhe do ta caktojë atë të Dërguar te bijtë e Israilit (të cilëve do t’u thotë): Ju kam sjellë prova nga Zoti juaj (që vërtetojnë Profecinë time): bëj për ju diçka prej balte në formë shpendi, fryj në të e me urdhrin e Allahut ajo bëhet shpend i gjallë; shëroj të verbrit e lindur dhe të lebrosurit dhe i ngjall të vdekurit me lejen e Allahut; ju tregoj çfarë hani dhe çfarë ruani në shtëpitë tuaja. Sigurisht që te të gjitha këto ka prova për ju, nëse jeni besimtarë të vërtetë.”

“Burra të Izraelit, dëgjoni këto fjalë: Jezusin nga Nazareti, njeri i dëshmuar te ju nga Perëndia me vepra të fuqishme, mrekulli dhe shenja, që Perëndia bëri me anë të tij në mesin tuaj, siç e dini edhe vetë;”

“dhe për fjalët e tyre: “Ne e vramë Mesihun – Isain, të birin e Merjemes, të dërguarin e Allahut”. Por, ata as e vranë, as e kryqëzuan, por ashtu u është dukur. Ata që nuk u pajtuan për çështjen e tij, me siguri që gjenden në dyshim për të. Ata nuk kanë ditur kurrgjë për të, por vetëm kanë hamendësuar. Ata, në të vërtetë, nuk e kanë vrarë,”

“por, Allahu e ka ngritur pranë Vetes. Allahu është i Plotfuqishëm dhe i Gjithëdijshëm.”

Ebu Hurejra transmeton se Profeti (ﷺ) u betua se i biri i Merjemes së shpejti do të zbresë mes myslimanëve si sundimtar i drejtë. Ai do ta thyejë kryqin, do ta vrasë derrin dhe do ta heqë xhizjen, dhe pasuria do të jetë aq e bollshme sa askush nuk do ta pranojë. Pastaj Ebu Hurejra recitoi Kuranin 4:159: nuk ka asnjë nga ithtarët e Librit që nuk do të besojë në të para vdekjes së tij.

Kredoja fillon: ‘Besojmë në një Perëndi, Atin e Plotfuqishëm, krijuesin e të gjitha gjërave të dukshme dhe të padukshme’. Koncili e rrëfeu Birin si të lindur nga Ati, Perëndi i vërtetë nga Perëndi i vërtetë dhe ‘të një thelbi’ (homoousios) me Atin, dhe dënoi ata që thoshin se ka pasur një kohë kur ai nuk ishte.

Koncili rrëfeu një dhe të njëjtin Krisht në dy natyra, hyjnore dhe njerëzore, dhe deklaroi se ai ‘nuk është i ndarë apo i copëtuar në dy persona, por është një dhe i njëjti Bir’.

“Me të vërtetë, Allahu është Zoti im dhe Zoti juaj, andaj adhurojeni Atë. Kjo është rruga e drejtë!”

“Dhe kjo është jeta e përjetshme: të njohin ty, të vetmin Perëndi të vërtetë, dhe Jezu Krishtin që ti ke dërguar.”

“Unë nuk u kam thënë asgjë tjetër, përveç asaj që më ke urdhëruar Ti: “Adhuroni Allahun, Zotin tim dhe Zotin tuaj!” Kam qenë dëshmitar, për sa kohë që kam jetuar midis tyre dhe, qëkurse më more mua, vetëm Ti ishe mbikëqyrës i tyre. Ti je Dëshmitar për çdo gjë.”

“Kur Jezusi pa besimin e tyre, i tha të paralizuarit: Bir, mëkatet e tua të janë falur.”

“Por turmat, kur e panë këtë, u mrekulluan dhe përlëvduan Perëndinë që u kishte dhënë njerëzve një pushtet të tillë.”

“Dhe na i fal borxhet tona, sikurse edhe ne ua falim borxhlinjve tanë.”

“Dhe ja, një njeri erdhi dhe i tha: Mësues i mirë, ç'të mirë duhet të bëj që të kem jetën e përjetshme? Dhe ai i tha: Pse më quan të mirë? Askush nuk është i mirë përveç një të vetmi, domethënë Perëndisë; por, në qoftë se do të hysh në jetë, zbato urdhërimet.”

“Ademi mësoi disa fjalë (se si të kërkonte falje) nga Zoti i tij, kështu që Ai ia pranoi pendimin. Sigurisht, Ai i pranon shumë pendimet, Ai është Mëshirëploti.”