A duhet t'i lutet dikush Budës apo një bodhisattve?

“Marr strehë te Buda, marr strehë te Mësimi, marr strehë te Sangha.”

“Marr strehë te Buda, marr strehë te Mësimi, marr strehë te Sangha.”

“Ai që ka marrë strehë te Buda, te mësimi i tij dhe te Sangha, i sheh katër të vërtetat fisnike me kuptim të drejtë: vuajtjen, burimin e vuajtjes, kapërcimin e vuajtjes, dhe udhën fisnike tetëfishe që të çon te qetësimi i vuajtjes. Një strehë e tillë është një shenjtërore, është streha supreme. Duke shkuar te ajo strehë, çlirohesh nga çdo vuajtje.”

“Kur një njeri i nderon të denjët, Budën ose dishepullin e tij, që e kanë kapërcyer shumëfishimin dhe e kanë lënë pas pikëllimin dhe vajtimin, të shuar, pa iu frikësuar asgjëje nga asnjë anë, merita e atij që nderon të tillë nuk mund të llogaritet nga askush, duke thënë se është vetëm kaq.”

“Nuk ka pasuri në këtë jetë apo në tjetrën, as margaritar të lartë në qiej, që të barazohet me të Realizuarin. Ky margaritar i lartë është te Buda: me këtë të vërtetë, qofshi mirë!”

“Çfarëdo qeniesh që janë mbledhur këtu, në tokë apo në qiell: i Realizuari nderohet nga perënditë dhe njerëzit! Ne i përkulemi Budës! Qofshi të sigurt!”

“Ju vetë duhet ta bëni punën; të Realizuarit vetëm e tregojnë udhën.”

“Njeriu është vërtet zot i vetvetes, sepse kush tjetër do të ishte zoti i tij? Me anë të një vetjeje të zbutur mirë, njeriu fiton një zot që është vërtet i rrallë.”

“Pra, Ananda, jetoni si ishulli juaj, streha juaj, pa ndonjë strehë tjetër. Mësimi le të jetë ishulli dhe streha juaj, pa ndonjë strehë tjetër.”

“Të gjitha qindra mijëra miriada kotish krijesash, o djalosh nga familje e mirë, që në këtë botë vuajnë nga shqetësime, nëse dëgjojnë emrin e Bodhisattvës Mahasattva Avalokitesvara, do të çlirohen nga ajo masë shqetësimesh. Ata që do ta mbajnë emrin e këtij Bodhisattve Mahasattva Avalokitesvara, o djalosh nga familje e mirë, nëse bien në një masë të madhe zjarri, do të shpëtojnë prej saj në saje të shkëlqimit të Bodhisattvës Mahasattva. Në rast se, o djalosh nga familje e mirë, krijesat, të marra nga rryma e lumenjve, do t'i luten Bodhisattvës Mahasattva Avalokitesvara, të gjithë lumenjtë do t'u japin një vahë.”

“O Bhagavat, nëse ato qenie që në vende Budash të pamatshme dhe të panumërta, pasi ta kenë dëgjuar emrin tim, kur unë ta kem arritur Bodhin, do ta drejtojnë mendimin e tyre për të lindur në atë vend Bude timin, dhe për këtë qëllim do ta pjekin rezervën e tyre të meritës, nëse këta nuk do të lindnin në atë vend Bude, madje edhe ata që e kanë përsëritur vetëm dhjetë herë mendimin (për atë vend Bude), duke përjashtuar gjithmonë ato qenie që kanë kryer mëkatet (e pesë) Anantarya, dhe që kanë shkaktuar pengim dhe abuzim me Ligjin e mirë, atëherë mos e arrifsha dijen më të lartë të përsosur.”

“Thuaj (o Muhamed): “Unë i lutem vetëm Zotit tim dhe nuk i shoqëroj Atij askënd (në adhurim)”. Thuaj: “Unë nuk mund t’ju largoj ndonjë dëm e as t’ju sjell ndonjë dobi”.”

“Thuaj: “Unë jam vetëm një vdekatar si ju, që më është shpallur se Zoti juaj është një Zot i Vetëm. Kështu, kush shpreson takimin me Zotin e vet, le të bëjë vepra të mira dhe të mos i shoqërojë askënd në adhurim Zotit të vet!””

“Ju vetë duhet ta bëni punën; të Realizuarit vetëm e tregojnë udhën.”

“Zoti juaj ka thënë: “Lutmuni Mua, se do t’ju përgjigjem! Me të vërtetë, ata që tregohen mendjemëdhenj e nuk duan të Më adhurojnë, do të hyjnë në Xhehenem të poshtëruar”!”

“Kur robërit e Mi (besimtarë) të pyesin për Mua, (thuaju se) Unë jam afër, i përgjigjem lutjeve të lutësit, kur ai më lutet Mua. Prandaj, le t’i përgjigjen thirrjes Sime dhe le të më besojnë Mua, për të qenë në rrugë të drejtë.”

“Ai e bën natën të kalojë në ditë dhe ditën të kalojë në natë. Ai i ka nënshtruar Diellin dhe Hënën, kështu që secili lëviz për një kohë të caktuar. Ky është Allahu, Zoti juaj. Pushteti është i Tij! Kurse ata që ju i adhuroni krahas Tij, nuk zotërojnë as sa cipa e bërthamës së hurmës.”

“Nëse ju u luteni atyre, ata nuk e dëgjojnë lutjen tuaj, por edhe sikur ta dëgjonin, nuk do t’ju përgjigjeshin. Në Ditën e Kiametit, ata do ta mohojnë adhurimin që u bënit atyre. Askush nuk mund të të njoftojë ty (o Muhamed) ashtu si Ai që është i Gjithëdijshëm.”

“Vetëm Ty të adhurojmë dhe vetëm prej Teje ndihmë kërkojmë.”

“Xhamitë i janë kushtuar vetëm Allahut, prandaj mos iu lutni askujt krahas Allahut!”

“Allahu! Nuk ka zot tjetër (që meriton adhurimin) përveç Tij, të Gjallit, të Përjetshmit, Mbajtësit të gjithçkaje! Atë nuk e kaplon as dremitja, as gjumi! Atij i përket gjithçka që gjendet në qiej dhe gjithçka që gjendet në Tokë. Kush mund të ndërhyjë tek Ai për ndokënd pa lejen e Tij? Ai di çdo gjë që ka ndodhur përpara dhe çdo gjë që do të ndodhë pas njerëzve, kurse ata nuk mund të përvetësojnë asgjë nga Dituria e Tij, përveçse aq sa Ai dëshiron. Kursi-u i Tij shtrihet mbi qiejt dhe Tokën dhe Ai nuk e ka të rëndë t’i ruajë ato. Ai është i Larti, Madhështori!”

“Vërtet që Zoti juaj është Allahu, i Cili i krijoi qiejt dhe Tokën për gjashtë ditë, pastaj u ngrit mbi Fron, duke drejtuar çdo gjë. S’ka ndërmjetës tek Ai, përveçse me lejen e Tij. Ky është Allahu, Zoti juaj, andaj adhurojeni Atë! Vallë, a nuk po mendoni?!”

“Atë ditë nuk do të bëjë dobi ndërmjetësimi i askujt, përveç ndërmjetësimit të atij, që i jep leje i Gjithëmëshirshmi dhe që i është pranuar fjala.”

“Sa engjëj ka në qiej, ndërmjetësimi i të cilëve nuk bën asnjë dobi, veçse pasi të japë leje Allahu, për kë të dojë e të pëlqejë Vetë!”

Ebu Hurejra transmeton se Profeti (ﷺ) u pyet se kush do të ishte më i lumturi i njerëzve me ndërmjetësimin e tij në Ditën e Kiametit. Ai i tha Ebu Hurejrës se, duke parë etjen e tij për hadithin, e kishte pritur që askush para tij të mos e pyeste për këtë. Pastaj tha se do të ishte ai që tha ‘nuk ka zot tjetër përveç Allahut’ sinqerisht (halisan), nga zemra e tij.

“Vetëm Allahut i takon adhurimi i vërtetë. Sa për ata që marrin mbrojtës të tjerë, përveç Tij, duke thënë: “Ne u lutemi atyre vetëm që të na afrojnë tek Allahu”, Allahu me siguri që do t’i gjykojë për mospajtimet që kanë pasur. Vërtet, Allahu nuk e udhëzon atë që është gënjeshtar e mohues.”

“Ata adhurojnë në vend të Allahut atë që as nuk u bën dëm, as nuk u sjell dobi dhe thonë: “Këta janë ndërmjetësit tanë te Allahu”! Thuaj: “A po i tregoni Allahut për diçka që Ai nuk e di në qiej dhe në Tokë?!” Qoftë i lavdëruar Ai dhe i lartësuar mbi gjithçka që ia shoqërojnë Atij (në adhurim)!”

“Kur robërit e Mi (besimtarë) të pyesin për Mua, (thuaju se) Unë jam afër, i përgjigjem lutjeve të lutësit, kur ai më lutet Mua. Prandaj, le t’i përgjigjen thirrjes Sime dhe le të më besojnë Mua, për të qenë në rrugë të drejtë.”

“A nuk përsiatin ata për Kuranin! Sikur ai të mos ishte prej Allahut, do të gjenin në të shumë kundërthënie.”

“Thuaj (o Muhamed): “O njerëz, unë jam i Dërguari i Allahut për të gjithë ju, i Atij që i përket sundimi i qiejve dhe i Tokës. Nuk ka zot tjetër të vërtetë veç Atij; Ai jep jetë dhe vdekje, prandaj besoni në Allahun dhe në të Dërguarin e Tij, Profetin që nuk di shkrim e lexim e që beson në Allahun dhe Fjalët e Tij! Shkoni pas tij, që të jeni në rrugën e drejtë!””