Што вели исламот за Марија, мајката на Исус?

“А откако роди, таа рече: „Господару мој, јас родив женско!“ – а Аллах најдобро знае што роди таа – „а женското не е како машко; и ја нареков Мерјем. Неа и породот нејзин го ставам под Твоја заштита од проклетиот шејтан“.”

“Па Господарот нејзин убаво ја прими и стори да израсне убаво и за неа да се грижи Зекерија. Кога и да влезеше Зекерија кај неа во михработ, кај неа храна ќе најдеше. „Од каде ти е ова, Мерјем?“ – би запрашал тој, а таа би одговорила: „Тоа е од Аллах!“ Аллах навистина снабдува кого сака, без никаква сметка!”

“И кога мелеците рекоа: О, Мерјем, Аллах навистина тебе те одбра и чиста те создаде. Тој те одбра над сите жени на световите!”

“О, Мерјем, биди Му понизна и покорна на Господарот свој, и сеџда чини и клањај Му се со тие што Му се клањаат!”

“А кога мелеците рекоа: О, Мерјем, Аллах те радува со синот кој е создаден со Неговата Реч, името ќе му биде Месих, Иса, син Мерјемин, ќе биде угледен и на овој и на оној свет и ќе биде еден од блиските на Аллах!”

“Таа рече: „Господару мој, како ќе имам дете кога ниту еден маж ме нема допрено?“ – „Ете така,“ – рече – „Аллах создава што сака. Кога нешто ќе одлучи, Тој само ќе каже: ‘Биди!’ – и тоа бидува!“”

“И спомни ја Мерјем во Книгата: кога од домашните свои, на источна страна се повлече, и од нив се прегради, Ние кон неа мелекот Џибрил го пративме и тој ѝ се покажа во лик на совршено создаден маж. „Барам заштита кај Семилосниот од тебе, ако од Него се плашиш!“ – повика таа. „А јас сум токму гласник од Господарот твој,“ – рече тој – „да ти подарам момченце, чисто!“ „Како ќе имам син“ – рече таа – „кога ниту еден маж не ме ни допрел, а јас не сум блудница?“ „Тоа е така,“ – рече тој. Господарот твој рече: „Тоа Ми е лесно.“ – и за да го направиме знак на луѓето и милост од Нас. Неговиот случај е веќе однапред одреден.”

“И таа го зачна и бремена се тргна некаде далеку. И породилните болки ја присилија да дојде до стеблото на една палма. „Камо среќа порано да умрев и целосно во заборав да паднев!“ – повика таа. И тој, подолу од неа, ја повика: „Не тагувај, Господарот твој даде подолу од тебе поток да потече. Затреси го палминото дрво, ќе истури по тебе урми свежи, па јади и пиј и биди весела! А ако видиш некој човек, кажи: Јас Му се заветував на Семилосниот дека ќе молчам, и денес со никого нема да зборувам“.”

“И таа дојде со него кај народот свој, носејќи го. „О, Мерјем!“ – рекоа тие – „нешто нечуено си сторила! Еј ти, која според моралот наликуваш на Харун, татко ти не беше никаквец, а ни мајка ти не беше блудница“. Таа него им го посочи: „Како да зборуваме со дете во колевка?“ – рекоа тие. „Јас сум Аллахов роб,“ – рече тој – „Тој мене Книга ќе ми даде и веровесник ќе ме направи, и ќе ме направи благословен каде и да бидам, и ќе ми нареди сè додека сум жив намаз (молитва) да извршувам и зекат да давам, и кон својата мајка добар да бидам, а нема да ме направи силник, несреќник. И нека е мир над мене, на денот кога се родив и на денот кога ќе умрам, и на денот кога од мртвите ќе бидам оживеан.“”

“И поради неверувањето нивно и поради изнесување тешки клевети врз Мерјем.”

Ел-Мугире ибн Шуба вели дека христијаните од Неџран го прашале како Куранот може Мерјем да ја нарече ‘сестра на Харун’, кога Муса живеел многу пред Исус. Тој го поставил прашањето на Веровесникот (ﷺ), кој одговорил дека луѓето ги именувале своите деца по веровесниците и праведните луѓе што живееле пред нив.

“И Мерјем, ќерката Имранова, која невиноста своја ја сочува, а Ние вдахнавме живот во неа, и таа во зборовите на Господарот свој и во книгите Негови веруваше и беше од тие што го поминуваат времето во молитва.”

“А (спомни ја) и таа што ја сочува девственоста своја, во неа живот вдахнавме, и неа и синот нејзин доказ за светот ги направивме.”

Али пренесува дека го слушнал Веровесникот (ﷺ) да вели дека Мерјем, ќерката на Имран, била најдобрата од жените на своето време, а Хатиџе најдобрата од жените на неговиот умет.

Ебу Хурејре пренесува дека Веровесникот (ﷺ) рекол: Шејтанот го допира секое дете на Адам при раѓањето, и затоа новороденчето извикува, освен Мерјем и нејзиниот син. Потоа Ебу Хурејре ја проучил довата на мајката на Мерјем во Куранот 3:36, во која бара заштита за неа и за нејзиното потомство од Шејтанот.

“И спомни ја Мерјем во Книгата: кога од домашните свои, на источна страна се повлече, и од нив се прегради, Ние кон неа мелекот Џибрил го пративме и тој ѝ се покажа во лик на совршено создаден маж. „Барам заштита кај Семилосниот од тебе, ако од Него се плашиш!“ – повика таа. „А јас сум токму гласник од Господарот твој,“ – рече тој – „да ти подарам момченце, чисто!“ „Како ќе имам син“ – рече таа – „кога ниту еден маж не ме ни допрел, а јас не сум блудница?“ „Тоа е така,“ – рече тој. Господарот твој рече: „Тоа Ми е лесно.“ – и за да го направиме знак на луѓето и милост од Нас. Неговиот случај е веќе однапред одреден.”

“И Мерјем, ќерката Имранова, која невиноста своја ја сочува, а Ние вдахнавме живот во неа, и таа во зборовите на Господарот свој и во книгите Негови веруваше и беше од тие што го поминуваат времето во молитва.”

“Тогаш Марија му рече на ангелот: Како ќе биде ова, кога не познавам маж? А ангелот одговори и ѝ рече: Светиот Дух ќе дојде врз тебе, и силата на Севишниот ќе те осени: затоа и она светото што ќе се роди од тебе ќе се нарече Син Божји.”

“А од каде ми е ова, да дојде кај мене мајката на мојот Господ?”

“Зашто погледна на смирението на Својата слугинка: зашто, ете, отсега ќе ме нарекуваат блажена сите родови.”

“Зашто погледна на смирението на Својата слугинка: зашто, ете, отсега ќе ме нарекуваат блажена сите родови.”

“Месих, синот Мерјемин, е само Пратеник, и пред него доаѓаа и заминуваа Пратеници, а мајката негова беше вистинољубива; и двајцата јадеа храна. Погледни како Ние изнесуваме јасни докази и потоа погледни ги нив како се одметнуваат.”

“А кога Аллах ќе рече: „О, Иса, сине Мерјемин, ти ли им говореше на луѓето: ,Прифатете ме мене и мајката моја како две божества покрај Бог?‘“ – тој ќе рече: Чист си Ти од тоа! Мене не ми доликува да зборувам за тоа што немам право. Ако тоа јас сум го говорел, Ти тоа веќе го знаеш; Ти знаеш што има во мене, а јас не знам што има во Тебе; Само Ти, Единиот, знаеш сè што е скриено!”